Birqatar aqparat quraldary men áleýmettik jeli qoldanýshylary Atyraý mańynda áskerı tehnıkanyń kóptep shoǵyrlanǵany týraly jarysa jazǵan bolatyn. Osyǵan oraı Batys óńirlik áskerı garnızonynyń áskerı prokýratýrasy málimdeme jasady, - dep habarlaıdy «Qamshy» portaly «Aqjaıyq» basylymyna silteme jasap.

Áskerı prokýrorlar bul tehnıkalardyń oqý-jattyǵýǵa bet alǵan sátte túsirilgen vıdeo dep otyr.

«Atyraý oblysynyń aýmaǵynda ornalasqan 41433, 41321, 51051 áskerı bólimderiniń áskerı qyzmetshileri Mańǵystaý oblysynda 18-24 sáýir aralyǵynda ótetin «Qarataý-2016» taktıkalyq-saptyq jattyǵýlarǵa shyqqan bolatyn. Oqý-jattyǵýda áskerlerdiń lańkestik qaýipterge qarsy birikken is-qımyldary pysyqtalatyn bolady», - deıdi Batys óńirlik áskerı prokýrorynyń orynbasary Dýman Ábeýov.