Kásibı boks salasynda yntymaqtastyq týraly bes tarapty memorandým «Astana EKSPO-2017» UK» AQ, Astana qalasynyń ákimdigi, «Qazaqstan respýblıkalyq bok federasıasy» qoǵamdyq birlestik, World Boxing Council jáne «Diamond Ring Promotions» JSHS arasynda qol qoıyldy, - dep habarlaıdy Qamshy.kz 24.kz - ke silteme jasap.
Atalǵan memorandým maqsaty World Boxing Council 55 mereıtoılyq Konvensıa men Astana qalasynda 2017 jylǵy qyrkúıekte kásibı boks keshin ótkizýdi qosa kásibı boks salasynda is-sharalar ótkizýge baǵyttalǵan joǵaryda atalǵan uıymdardyń uzaq merzimdi, tıimdi jáne ózara paıdaly yntymaqtastyqty damytý men seriktestik qarym-qatynastar ornatý bolyp tabylady. Atalǵan is-sharalardyń barlyǵy «Astana EKSPO-2017» kórmesin ótkizý kezinde ótedi jáne qoǵam nazary men qyzyǵýshylyǵyn osy kólemdi oqıǵaǵa aýdarýǵa baǵyttalǵan.
«EKSPO-2017 – Qazaqstan astanasynda ótkiziletin óte kúshti álemdik oqıǵa. Kórmeni ótkizý sheńberinde kóptegen iri is-sharalar ótkizilýi daıyndalyp jatyr, onyń ishinde halyqaralyq álemdik pishinde ótetinderi de bar. Atalǵan memorandým «EKSPO-2017» daıyndalyp jatqan is-sharalar kesheninde óziniń erekshe orynyn alady dep sanaımyn», - dep atap ketti Astana qalasy ákiminiń orynbasary Ermek Amanshaev.
«Dúnıejúzilik boks keńesinen «EKSPO-2017» ótkizý barysynda World Boxing Council (WBS) mereıtoılyq Konvensıasy ótetindigine óte qýanyshtymyn, oǵan álemniń 165 elinen delegattar qatysady, Qazaqstannyń astanasyna kelip, onyń ádemiligine kóz júgirtý oraıy týady», - dep óz pikirin WBC Prezıdentiniń arnaıy keńesshisi Oksana Semenıshına bildirip ketti.
Halyqaralyq mamandandyrylǵan kórme Astana qalasynda 2017 jylǵy 10 maýsymnan 10 qyrkúıek aralyǵynda ótedi, onyń barysynda qol qoıylǵan memorandým sheńberinde World Boxing Council 55 mereıtoılyq Konvensıasyn jáne Maık Taıson, Gennadıı Golovkın men t.b. ataqty boksshylardyń qatysýymen kásibı bok keshin ótkizý josparlanǵanyn atap ketkimiz keledi.
