Qordaı aýdanynyń aqsaqaldary kásipkerlerden ishimdikti satýdan bas tartýdy ótingen. Kóne kóz qarıalardyń ótinishin jerge qaldyrmaǵan kásipkerler ishimdik ataýlyny dúken sórelerine jolattyrmaıtyn kórinedi, -dep habarlaıdy Qamshy.kz  Nur.kz-ke silteme jasap.

Atalmysh aýdannyń birneshe aýylynda turatyn dunǵandar dástúrlerin jyldar boıy saqtap keledi. Sol sebepti ondaı óńirlerde aqsaqaldardyń ár sheshimine zor qurmetpen qaraıdy.

"Aqsaqaldar óskeleń urpaqty ishimdikten alys ustaý kerek dep sheshti. El aǵalary men ımamdar kásipkerlerden ishimdik pen temekini satpaýdy surady. Olar kelisimin berip, ishimdikti satýdan tolyqtaı bas tartty. Keı dúkenderde temeki de múlde satylymnan alynǵan", - deıdi Jambyl oblysy dunǵan mádenı ortalyǵy qaýymdastyǵynyń basshysy Rýslan Ismazov.