Túrkıanyń batysyndaǵy Izmır qalasynda tóńkeris jasamaq boldy dep aıyptalǵan opozısıalyq din ýaǵyzshysy Fethýllah Gúlenniń inisi ustaldy, - dep habarlaıdy Qamshy.kz Tengrinews.kz-ke silteme jasap.

Kýtbettın Gúlen aǵasy basqarǵan uıym qyzmetine atsalysqan degen aıyppen izdeýde júrgen bolatyn. Gazıemır aýdanynda jasyrynyp jatqan kúdiktini ustaý operasıasyn ızmırlik polısıanyń Terrormen kúres departamentiniń qyzmetkerleri júrgizdi. 

Eske salaıyq, 16 shildede Túrkıada bir top kóterilisshi tóńkeris jasamaq boldy. Qaqtyǵystar negizinen Ankara men Ystambulda ótken. Sońǵy málimetterge sáıkes, qaqtyǵystar nátıjesinde kóterilisshilerdi eseptemegende 246 adam kóz jumyp, eki myńnan asa adam jaraqat alǵan. Túrkıa bıligi bul jaıtqa Fethýllah Gúlendi aıyptap, AQSH bıliginen ony ekstardısıalaýdy talap etti. Gúlenniń ózi bul bas kóterýdi aıyptap, oǵan qatysy joǵyn málimdegen.