Sońǵy jıyrma jyl kóleminde áıeli bosanǵanda kúıeýi qasynda bolyp, moraldyq turǵydan kómektesse tolǵaq jeńildeıdi degen pikirler taraǵany belgili. «Áıeli bala týǵan kezde erkek qasynda bolsa tolǵaq jeńil bolady eken» degen teorıany Batys zertteýshileri usynyp keldi.
Biraq perzenthana er adamnyń densaýlyǵy úshin asa zıandy eken. Bul jóninde de ǵalymdar sońǵy bes-alty jyl kóleminde zertteýler júrgizgen. Bırmıngem ýnıversıtetiniń Bıomedısınalyq etıka ortalyǵynyń ǵalymy Djonatan Iv arnaıy júrgizgen zertteý qorytyndysy boıynsha er adamǵa perzenthanada bolý zıandy ekendigi anyqtalǵan.
Áıeli bosanǵanda janynda bolyp, oǵan azdy-kópti qyzmet kórsetken erkek eń aldymen túrli psıhologıalyq jazylmas jaraqattar alady. Oǵan qosa bosaný prosesine qatysqan er azamattyń aǵzasyna orasan nuqsan kelip, ol aldaǵy ómirinde bala týǵyzý qabiletin kemitip, tipti joǵaltyp alýy múmkin eken. Úshinshiden, áıeli bosanǵanda qasynda bolǵan erkektiń odan keıin týǵyzǵan balalary «sapaly bolmaıtyn» kórinedi. Buny da eýropalyq ǵalymdar endi zerttep taýyp otyr. Bir sózben aıtqanda, týý palatasynda az ýaqytqa da bolǵan erkek erkektigin joǵaltady.
Djonatan Ivtiń aıtýynsha, áıeldiń júkti kezinde onyń medısınalyq tekseristerine túgel qatysyp, búge-shigesine aralasý da erkekti álsiretedi. Bul árıne, áıeli júkti kezinde oǵan múldem qaramaý kerek, kóńil aýdarmaý qajet degen sóz emes. Ǵalymnyń aıtyp otyrǵany er adam áıeliniń «áıeldik jumystaryna» aralaspaǵany durys. Sonda ǵana ol ereke bolyp qalady.
Djonatan Iv bala týý prosesine qatysqan erkekterdiń 10 paıyzy sozylmaly psıhologıalyq depressıaǵa ushyraıtynyn anyqtapty. Arnaıy zertteý kezinde bosaný prosesin kórgen erkekterdiń dertke shaldyqqany da anyqtalǵan.
Akýsher-gınekologtardyń aıtýynsha, eń myqty degen erkekterdiń ózi áıeliniń bosanǵanyn kóremin dep, sol jerde talyp qalǵan.
Sondaı-aq, kúıeýi áıeliniń qalaı bosanǵanyn kórgen soń erli-zaıyptylardyń bir-birine degen syılastyǵy tómendep, tipti ajyrasý jaǵdaılary oryn alatynyn zertteýshiler jazyp júr.
Sondyqtan álemdegi eń súıikti áıelińiz kópten kútken muragerińizdi dúnıege ákelip jatsa da bosaný prosesine qatysar buryn oılanyńyz.
Ázirlegen: Dana Qamshybek
