Májilis depýtaty Asqat Aımaǵambetov Salyq kodeksine engizilgen túzetýlerdiń Úkimet tarapynan qoldaý tapqanyn habarlady. Endi áleýmettik mańyzy bar aýrýlardy emdeýge arnalǵan medısınalyq qyzmetter men dári-dármekterge 0% qosylǵan qun salyǵy (QQS) mólsherlemesi qoldanylatyn bolady.
Arnaıy úkimet qaýlysymen bekitiletin tizimge sáıkes, halyq úshin asa qajet jáne áleýmettik mańyzy bar dári-dármekter QQS-tan tolyq bosatylady. Bul bastama atalǵan dári-dármekterdiń kúrt qymbattap ketýiniń aldyn alýǵa baǵyttalǵan.
Depýtattyń aıtýynsha, bul usynysty ol buǵan deıin de kótergen, alaıda bastapqyda Úkimet tarapynan qoldaý tappaǵan. Alaıda uzaq talqylaýdan keıin eki tarap ózara ymyraǵa kelip, osyndaı sheshimge qol jetkizdi.
Sonymen qatar, QQS qoldanylatyn ózge medısınalyq qyzmetter men dári-dármekter boıynsha da mańyzdy kelisim jasaldy:
-
2026 jyldan bastap QQS mólsherlemesi 5%-ǵa ulǵaıtylady;
-
2027 jyly taǵy 5%-ǵa ósedi – bul ózgeris kezeń-kezeńmen engiziledi.
"Aıta ketetin taǵy bir jaǵymdy jańalyq — Tegin medısınalyq kómektiń kepildik berilgen kólemi (TMKKK) men Mindetti áleýmettik medısınalyq saqtandyrý (MÁMS) aıasyndaǵy barlyq medısınalyq qyzmetter men dári-dármekter de QQS-tan tolyq bosatylady. Qazirgi tańda basty maqsat — halyq úshin eń qajet dári-dármekter men medısınalyq kómektiń qoljetimdiligin saqtaý", — dep jazdy Asqat Aımaǵambetov.
