Týysqandarynyń aıtýy boıynsha

Júrgen júrisi, kıgen kıimine qarap ony kórgen bazbireýler ishkish nemese qaıyr-sadaqy suraǵysh dep qate oılap qalýy múmkin.  Bizdiń qoǵam shúberekke qarap adamǵa baǵa beretin bolǵan. Shyn máninde, ol qısalań júrse de ishkish emes, jupyny kıinse de alaqan jaıyp júrgen joq. Balqash Mamytbekuly Keńes Armıasynyń İİ toptaǵy múgedegi. Olardyń belgili bir tapsyrmamen basshylyq taıgaga jibergen. Jibergen de olardyń bary jaıly 34 kúnge umytyp ketken. 1 aıdan astam ýaqyt boıy isher tamaqsyz, jatyn orynsyz, jyly kıimsiz qalǵan ol aıaǵyn úsitip alady. Armıadan bir aıaqsyz, ekinshi aıaǵynyń barmaqtarynan aıyrylyp, qatty stress alyp keledi. Múgedekke aınalǵan Balhash eshkimge kerek bolmaı qaldy. Ómir baqı jumys istemedi. Tórt qabyrǵadan shyqpady. Armandary qur arman bolyp qaldy. Kúızelisten shyǵa almady. Ony Almaty qalalyq psıhıkalyq saýyqtyrý ortalyǵy esepke aldy.

30 tamyz Konstıtýsıa kúni Balqash óz úıinen nan satyp alý úshin dúkenge shyǵady. Ol negizi eshqaıda shyqpaıtyndyqtan qalany bilmeıdi. Alaıda óz úıinen dúkenge aparar joldy biletin. 15 mınýtta oralýy kerek edi. Biraq oralmady. Dúken satýshysy Jetpisbaevty mılısıa óz mashınasyna otyrǵyzyp, alyp ketip bara jatqanyn kózben kóripti. Olar onyń aty-jónin anyqtamaqshy bolǵan. Óz oıyn naqty jetkize almaı, asyp-sasyp, dirildep qoryqqan Balhashty Áýezov aýdanynyń ýchaskelik ınspektory Shaıkenov zańsyz túrde bir táýlikke temir torǵa qamaıdy. Kelesi kúni psıhıkalyq saýyqtyrý ortalyǵyna aparyp tastaıdy. Jetpisbaevtyń psıhıkalyq densaýlyǵyna dárigerler «Gospıtılızasıa kerek emes» degen qorytyndy shyǵarady. Kablýkovadan shyqqan ol úıge aparar jol taba almaı izi-qaıym joǵalyp ketedi. Sodan beri habar joq...

Polısıanyń aıtýy boıynsha

30 tamyzdyń 31 tamyz kúnine qaraǵan túni Almaty İİD jedel basqarý ortalyǵyna Almaty qalasynyń Taýgúl yqsham aýdanynyń Jantórın kóshesiniń boıynda ornalasqan turǵyn úıdiń mańynda belgisiz bir er azamattyń júrgeni jaıly málimet kelip túsedi. Atalǵan mekenjaıǵa jol patrúldik polısıasynyń «Býran» ekıpajy kelip, belgisiz adamnyń jeke basyn anyqtaý maqsatynda Áýezov aýdandyq İİB qarasty polısıa basqarmasyna Jetpisbaevti ózderimen birgen alyp ketedi. Sol túni kezekshilikte bolǵan ýchaskelik ınspektor tekserý barysynda azamattyń qaltasynda eshbir qujattyń joqtyǵyn, tilinde múkis bar ekendigin anyqtaıdy. Óziniń kim jáne qaıdan ekenin aıtyp bere almaǵan Balhashty belgilengen ereje boıynsha 103 telefonyna habarlasyp, №9  brıgadany shaqyrtady. Olar ony psıhıkalyq saýyqtyrý ortalyǵyna alyp ketedi. Qyrkúıektiń 10 kúni Jetpisbaevtiń týǵan aǵasy Nurbek Mamytbekuly Bostandyq aýdanynyń İİB-na týǵan inisiniń iz-túzsiz joǵalýyna baılanysty aryz túsiredi. Qazirgi kezde joǵalǵan adamdy izdeýge aýdandyq İİB qyzmetkerleri ǵana emes, qalalyq krımınaldyq polısıa basqarmasy qyzmetkerleri jumyldyryldy. Arnaıy izdeý toby quryldy. İzdeý isi qozǵaldy. Barlyq polısıa bólimshelerine, adam kóp júretin qoǵamdyq jerlerge Balhashtyń baǵyttamasy (orıentırovkasy) berilgen. İzdestirý isi aıasynda Djetpısbaev Balhashtyń esepte turǵany, dıagnozy jaıly aqparatty qalalyq psıhıkalyq  saýyqtyrý ortalyǵy İİB-na berýi múmkin. Biraq dál qazir İİB pres-slýjbasy ondaı aqparat suraı almaıdy.

Qalalyq psıhıkalyq saýyqtyrý ortalyǵynyń aıtýy boıynsha

Pasıentke baılanysty qandaı bir derek zańmen qorǵalǵan jabyq aqparat bolyp sanalady. Ony tek resmı suraý boıynsha İİB-na, pasıenttiń qorǵaýshysyna ǵana bere alamyz. Al, jýrnalıser bul kategorıaǵa jatpaıdy. Sol sebepti málimet ala almaıdy.

Menińshe

Ol – taǵdyr tálkegine túsken adam.

Ol – tomaǵa-tuıyq, óz-ózine senimsiz jan.

Ol – otbasyn qura almaǵan súrboıdaq.

Ol – jumysqa jaramsyz.

Ol – Uly júzdiń shapyrashtysy.

Ol – dál qazir kómekke muqtaj qazaq.     

Jazıra Baıdaly