«Maksımým» AIO jáne «Yrys» MQU osy jyldyń qyrkúıek aıynan 2017 jylǵy kóktemgi egin egý jumystaryna nesıe alýshylardyń qujattaryn qabyldaýdy bastady. Maqsat – dıqandardyń qarjyny der kezinde alyp, oryndy ári tıimdi paıdalanýlaryn qamtamasyz etý.
Qujattar eshqandaı komısıalyq shyǵyndarsyz, múmkindiginshe eń qysqa merzimde qaralady. Maquldansa, keler jyly aqsha bólinisimen qujaty daıyn azamattarǵa birden taratylý josparlanýda.
Qarjylandyrýdyń basty sharttary:
Negizgi qaryzdy jáne nesıe boıynsha paıyzdardy óteý – merzim sońynda;
Nesıeni merziminen buryn qaıtarý – merziminen buryn tolyq nemese ishinara qaıtarylǵan nesıe úshin aıyppul eseptelmeıdi.
Egin egý-jınaý jumystaryna bólinetin qarajat jeke tulǵalar, sharýa qojalyqtary, jeke kásipkerler jáne zańdy tulǵalarǵa basym baǵytqa ıe barlyq daqyl túrleri úshin beriledi. Nesıeniń jyldyq paıyzdyq mólsherlemesi 9 paıyzdy quraıdy.
Qarjylandyrý 2 túrde júzege asyrylady:
2 transhtyq nesıe jelisi;
bir mezettik nesıe;
Kepildikke jer telimin nemese basqa qosymsha kepil zatyn usynýǵa bolady.
Qazirgi tańda qarjy ortalyǵy tarapynan 2017 jylǵy dala jumystaryn qarjylandyrý boıynsha birqatar is-sharalar júzege asyrylýda. Atap aıtsaq, qarjylandyrýdy jedel júzege asyrý úshin OQO aýdandarynda sýb-ofıster quryldy. Sondaı-aq, kóktemgi egis jumystaryn qarjylandyrý eń basym baǵyt retinde qaralyp, atalmysh baǵyt boıynsha kelip túsetin ótinimderdi qarastyrý merzimi múmkindiginshe qysqartyldy. Oblys turǵyndaryna jáne sharýalarǵa qarjylandyrý sharttaryn túsindirý boıynsha birqatar is-sharalar uıymdastyrylýda. Qyrkúıek jáne qazan aılarynda arnaıy jumys toby qurylyp, barlyq qala, aýdan ortalyqtary jáne aýyldyq okrýgterde jınalystar ótkizedi. Nesıe alýǵa nıet bildirgenderdiń qujattaryn qabyldaý da josparlanýda. Barlyq dıqandar óz qalalarynda, aýdandarynda nemese aýyldarynda ótetin jınalysqa kelip, ózderin qyzyqtyrǵan máselelerdi talqylaý jáne qujattaryn tapsyrý múmkindigine ıe. Jınalystyń ótetin jeri jáne merzimi týraly aqparat alý úshin barlyq aýdan, qala ákimdikterimen baılanysýǵa bolady.
Aıta keteıik, jeńildetilgen nesıege kez kelgen sharýa qol jetkize alady.
«Ońtústik Qazaqstan». http://okg.kz/
