Elbasy tapsyrmasymen, óńirlerde aýyl sharýashylyǵyn damytý basty nazarǵa alynǵan. Osy maqsatta «Sybaǵa», «Qulan», «Altyn asyq» baǵdarlamalary qurylyp, óz isterin bastap ketti. Bul baǵdarlamalardy tolyqtaı iske asyrsa, onda elimizdegi óńirlerde aýyl sharýashylyǵy orasan zor deńgeıde damyp, halyqtyń ál-aýqaty jaqsarady. Eń bastysy, san emes, sapa bolady. Mysaly, 5 sıyr beretin 50 lıtr sútti «Sybaǵa» baǵdarlamasy boıynsha alynǵan 1 asyl tuqymdy sıyr bere alady. Ordabasy aýdanynda sharýa qojalyqtaryna nesıeler berilip, dıqandarǵa qoldaý kórsetilýde. Mysaly, SHNU “YRYS” JSHS-gi arqyly 157,7 mln.teńge berilgen, onyń ishinde 59,5 paıyzy egin sharýashylyǵyna, 1,9 paıyzy jylyjaıǵa jáne 38,6 paıyzy mal sharýashylyǵyna berilipti. Al, “Aýyl sharýashylyǵyn qarjylaı qoldaý qory” AQ arqyly berilgen nesıe kólemi jalpy 157,8 mln. teńge, onyń 3,8 paıyzy jol tasymaldaý, 5,7 paıyzy júk tasymaldaý, 3,8 paıyzy jylyjaıǵa, 1,9 paıyzy kólik jóndeý jáne 84,8 paıyzy mal sharýashylyǵyna bólingen. Bıylǵy jyldyń 6 aıynda aýyl sharýashylyq salasynda 9 mlrd. 366 mln. 700 myń teńgeniń ónimi óndirilgen. Al, mal sharýashylyǵynda ósim 3,1 paıyzdy qurady. Tarata aıtsaq, iri qara mal sharýashylyǵynda «Sybaǵa» baǵdarlamasy boıynsha tapsyrma 121,9 paıyzǵa, jylqy basyn kóbeıtýde «Qulan» baǵdarlamasy boıynsha 44 paıyzǵa, asyl tuqymdy qoı sanyn ósirýde «Altyn asyq» baǵdarlamasy boıynsha tapsyrma 153,9 paıyzǵaoryndalǵan. Otbasylyq fermalar sany kóbeıgen. İri qara maldardy qoldan uryqtandyrý baǵytynda aǵymdaǵy jyly josparlanǵan 7 348 iri qara maldyń 7 369-y qoldan uryqtandyrylyp, tapsyrma 100,3 paıyzǵa oryndalypty. Qus ósirý isinde de ilgerileýshilik bar.
