Aýylsharýashylyq ónimderiniń kólemin ulǵaıtýdy, eksportqa shyǵarýdy qamtamasyz etýde usaq taýar óndirýshilerdiń máselelerin keshendi sheshý úshin, Qazaqstan Respýblıkasy «Aýyl sharýashylyǵy kooperatıvteri týraly» Zańyna sáıkes, oblysta kooperatıvterdi qurý belsendi júrgizilýde.
OQO ákimi Beıbit Atamqulov bir sózinde :«Oblys turǵyndarynyń 55%-y aýyldyq jerlerde turatyndyqtan jáne aýyl sharýashylyǵynda jumyspen qamtylyp otyrǵandyqtan, osy salanyń tıimdiligin arttyrý óńirdiń áleýmettik-ekonomıkalyq damýynyń negizgi faktory bolyp tabylady. Osyǵan baılanysty, agroónerkásip kesheni salasyndaǵy strategıalarǵa toqtalyp ótsem. Birinshi baǵyt – sýarmaly jerlerdiń jaǵdaıyn jaqsartyp, jańa sýarmaly jerlerdi aınalymǵa qosý. Ekinshi baǵyt – fermerlerge tómen paıyzben beriletin nesıelerdiń kólemin arttyrý. Úshinshi baǵyt – árbir aýyldyq okrýgte arnaıy kooperatıvter qurylyp, onda mashına-traktor stansalary ashylady. Tórtinshi baǵyt – aýyl sharýashylyq salasyna ǵylymnyń jetistikterin meılinshe engizý. Iaǵnı, árbir aýdanda sol aýdannyń erekshelikteri eskerile otyryp, kásipkerlik mektepteriniń bazasynda sharýalarǵa ǵylymı- konsýltasıalyq qyzmet kórsetetin ortalyqtar ashylmaq», - dep atap ótken bolatyn. Osy oraıda búgingi kúnge Ońtústik Qazaqstan oblysynda 8 myńnan asa usaq fermerlik sharýashylyqtar 81 aýyl sharýashylyq óndiristik kooperatıvterge birigip, jumys atqarýda. Olar damý baǵyttary boıynsha 19 birlik maqta sharýashylyǵy, 30 birlik astyq, 4 birlik sút óndirisi, 13 birlik iri jáne usaq mal sharýashylyǵy, 3 túıe sharýashylyǵy, 3 júgeri ósirý, 4 jylyjaı, 5 taǵy basqa sharýashylyqtardan quralyp otyr.
Sonymen qatar, bıylǵy jyly oblysta 14 mashına-traktorlyq stansıasy qurylǵan. Aýylsharýashylyǵy salasynda taptyrmas qural mashına-traktorlardy shyǵaryp otyrǵan stansıalardyń qurylýy Elbasy N.Nazarbaevtyń tikeleı tapsyrmasymen iske asyp jatqan Údemeli ındýstrıaldy-ınnovasıalyq damý memlekettik baǵdarlmasy aıasynda múmkin bolyp otyrǵandyǵyn aıta keteıik. Mashına-traktor stansıalary quramynda 108 dońǵalaqty traktorlar, 7 shynjyr tabandy traktorlar, 28 astyq oratyn,9 jem-shóp oratyn, 4 júgeri oratyn kombaındar men 186 basqa tehnıkalar bar.
