Kóńil kúıiń joq pa?

«Baqara» súresiniń 25-aıatyn oqy: «(Eı, Muhammed), ıman keltirgender, izgi is istegender úshin tómende ózender aǵyp jatatyn, tóbesinde mıýalar tógilip turatyn jánnat jaıy bar ekenin aıtyp qýant. Ol jemister kórer kózge «Biz muny dúnıede buryn da jep edik qoı» deıtindeı, túri jaǵynan dúnıe jemisterine uqsas bolyp kelgenimen, dámi jaǵynan alýan túrli bolady. Múminder úshin ol jaıda táni tap-taza, jany pák jubaılar da (qor qyzdary da) bar. Jánnatta olar máńgi jasaıdy».

Kúná jasadyń ba?
«Zýmar» súresiniń 53-aıatyn oqy: «(Eı, Muhammed, Meniń atymnan) aıt: «Eı, kúnáhar pendelerim! Táńirdiń raqymynan túńilmeńder. (Qalasa,) Alla, sóz joq, bar kúnáni keshiredi. Allanyń óte jarylqaǵysh ári óte meıirimdi ekeni daýsyz».

Týra jol izdeısiń be?
«Maıda» súresiniń 16-aıatyn oqy: «Ózinen rızalyq tilegenderdi Alla sol kitap arqyly týra jolǵa jeteleıdi, Ózi yqpal jasap olardy qarańǵylyqtan jaryqqa (kúpirden aryltyp ımanǵa) shyǵarady, sóıtip, týra jolǵa bastaıdy».

Dos izdeısiń be?
«Baqara» súresiniń 257-aıatyn oqy: «Alla – ımandylardyń dosy. Olardy túnekten jaryqqa shyǵarady. Kápirdiń dosy – shaıtan. Ol jaryqtan qarańǵyǵa qaraı tartady. Olardyń orny – tozaq. Onda olar máńgi qalady».

Jynystyq kemsitýshilik kórdiń be?
«Ahzab» súresiniń 35-aıatyn oqy: «Musylman erler men musylman áıelderge, múmin erler men múmin áıelderge, boısunýshy erler men boısunýshy áıelderge, shynshyl erler men shynshyl áıelderge, sabyrly erler men sabyrly áıelderge, Qudaıdan qorqatyn erler men Qudaıdan qorqatyn áıelderge, sadaqa beretin erler men sadaqa beretin áıelderge, oraza ustaıtyn erler men oraza ustaıtyn áıelderge, ábúıirin tókpegen erler men áıelderge, Allany kóp zikir etetin erler men Allany kóp zikir etetin áıelderge Alla jarylqaý jáne zor saýap ázirledi».

Násildik kemsitýshilik kórdiń be?
«Hýjýrat» súresiniń 13-aıatyn oqy: «Eı, adamzat! Senderdi Biz áýelde bir erkek, bir áıelden, (Adam men Haýadan) bir ata, bir anadan jaratyp, (órbittik). Ózara qarym-qatynas jasaýlaryń úshin kóptegen ult, ulys etip, kóbeıttik. Al erekshe dindar bolǵandaryńdy Táńir qurmetti adam sanaıdy (ıaǵnı senderdiń bir-birińnen artyqshylyǵyń – nesibelerińmen emes, dindar-taqýalyqtaryńmen esepteledi). Anyǵynda, Alla barlyq nárseni bilip, bárinen habar alyp otyrady».

Mahabbat izdeısiń be?
«Rým» súresiniń 21-aıatyn oqy: «Senderdiń óz tabıǵattaryńa úılestirip, (óz qastaryńnan) áıel jynysyn jaratqany da, olarǵa tirshilik lázzaty etip, súıispenshilik, meıirim bergeni de – ulylyqtyń belgisi. Oı júgirtip, ǵıbrat alyńdar».

Janyń jaısyz bolyp júr me?
«Raǵyd» súresiniń 28-aıatyn oqy: «Iman aıtqandarǵa kelsek, olardyń jany Allany eske alýmen jaı tabady».

Seni baǵalamaı ma?
«Insan» súresiniń 22-aıatyn oqy: «Sóz joq, bul senderge berilgen syı. Demek, senderdiń eńbekteriń esh ketpeıdi».

Sátsizdikke ushyradyń ba?
«Júsip» súresiniń 87-aıatyn oqy: «Jaratqan jarylqar, úmit úzbeńder. Allanyń raqymynan tek senbeýshiler ǵana úmit kútpeıdi».

Baqytsyzdyqqa tap boldyń ba?
«Ibrahım» súresiniń 34-aıatyn oqy: «Senderge Alla suraǵandaryńnyń bárin berdi. Allanyń ondaı ıgilikterin sanap taýysa almaısyń. Al adam degen ynsapsyz jáne táýbesiz».

Qıyndyqtardan sharshadyń ba?
«Sharh» súresiniń 5-aıatyn oqy: «Árıne, árqalaı qıyndyqqa qosa jeńildik bar».

Adamdar jamandyq qyldy ma?
«Fýrqan» súresiniń 63-aıatyn oqy: «Uly Táńirdi taıanysh etetinder jer betinde sypaıy júredi, soqtyqqan sodyrlardyń ózine (nadandarǵa) solaqaı sóılemeıdi, («Assalaýma ǵaleıkúm» deıdi). Tún balasy olar Táńirge sájde etip, tik turyp tilek tileıdi (namaz oqıdy)…».

Keshirim qalaısyń ba?
«Ǵımran» súresiniń 135-aıatyn oqy: «Kúnáni keshiretin Alladan basqa eshkim joq. Oqys bir oqıat jasap qalsa, nemese ózderine ózderi zıan keltirse (taqýalar sondyqtan da) Allany eske alyp, odan kúnálaryn keshirýdi suraıdy. Qylyqtarynyń teris ekenine kózderi jetken soń, ony odan ári jalǵastyrmaıdy».