Keshe QR Investısıalar jáne damý mınıstri Jeńis Qasymbek mınıstrliktegi eń úzdik úsh qyzmetkermen kezdesip, emen-jarqyn sóılesip, mınıstrlik asqanasynda keshki as iship, tipti jas mamandardyń usynystaryn tyńdap, sáttilik tiledi, dep jazady BAQ.kz.
"Mınıstrlikte "QR IDM mısıasy" degen baıqaýdyń qorytyndysy boıynsha úsh qyzmetker jeńimpaz atanǵan eken. Mınıstr árqaısymen jeke tanysyp, jaǵdaıyn surap, estelikterimen bólisip, teń dárejede dıalog quryp, ráýishti bir kesh ótti. Eń birinshiden, bul qalǵan qyzmetkerler úshin úlken motıvasıa dep bilem. Balasy úzdik shyǵyp, Mınıstrdiń erekshe nazaryna bólenip jatsa, qýanbaıtyn ata-ana joq. Ekinshiden, basshylyq pen qyzmetkerler arasyndaǵy baılanystyń nyǵaıýy, eńbektiń elenýi, nazarda bolý." - deıdi mınıstrlik qyzmetkerleri Jeńis Qasymbektiń bastamashyldyǵy jóninde.
Al mınıstrmen birge otyryp keshki as iship, emen-jarqyn áńgime órbitken Botagóz esimdi qyzmetker óziniń áleýmettik jelidegi paraqshasynda bul bastamanyń ereksheligi týraly toqtalǵan eken.
"Keshe bizdiń mınıstrlikte «QR IDM Mısıasy» baıqaýynyń jeńimpazdary marapattaldy. Mınıstr Jeńis Qasymbek bizdi quttyqtap, estelik kitaptar men bılet satyp alatyn syılyq sertıfıkatyn tabystady. Marapattaý rásiminen keıin Jeńis Mahmuduly jeńimpazdardy mınıstrlik asqanasyna keshki asqa shaqyrdy. Ol jerde mınıstr árbir jeńimpazben jeke tanysyp, otbasylyq, bilim jáne taǵy basqa da jeke ómirlerimizge qatysty jaıttardy bildi. Mınıstr óziniń qyzyǵýshylyǵy men balalarynyń nemen aınalysatyny týraly da qysqasha aıtyp berdi. Stýdenttik shaǵyndaǵy sýretterdi kórsetti. Keshki as barysynda Qazaqstannyń kórshi eldermen yntymaqtastyǵy týraly, mınıstrlikte ótken jáne aldaǵy josparlanǵan is-sharalar talqylandy. Mınıstr bizden mınıstrlik transformasıasy aıasynda óziniń usynystary týraly surady. Onyń ishinde mınıstrlik jumysyn budan ári qalaı jaqsartý, qujat aınalymyn qysqartý, sheshimder qabyldaý jáne tapsyrmalardy kelisý úderisin ońtaılandyrý, memlekettik qyzmetshilerdiń jeke múmkindikterin damytý sıaqty máseleler boldy. Men ózim sportpen shuǵyldanamyn. Jumystyń kóptiginen arnaıy sport keshenderine bara almaǵandyqtan, mınıstrlik ǵımaratynan jattyǵý zalyn ashý týraly usynys aıttym. Sport densaýlyq kepili ekenin aıtqan mınıstr, usynysyma kelisim berip, QR IDM jaýapty hatshysyna jattyǵý zalyn ashýǵa oryn qarastyrý týraly tapsyrma berdi. Jalpy emen-jarqyn áńgimelesken salıqaly otyrys boldy. Ózge áriptesterim mınıstrdiń jaqsy kóretin fılmderi men qyzyǵyp oqıtyn kitaptary týraly surady. Sonymen qatar, mınıstrden aqyl-keńes te surap qalýǵa múmkindigimiz boldy" - deıdi qyzmetkerler.
Aıtpaqshy, úsh qyzmetkerdiń biri mınıstrlik ǵımaratynda jattyǵý zalyn ashý týraly usynys jasapty, buıyrsa keler jyly ǵımaratymyzda sport zaly bolýy múmkin.
Aıta ketý kerek, qyzmetkerler arasyndaǵy «QR IDM mısıasy» baıqaýy «Kásibı memlekettik apparat qurý» ınstıtýsıonaldyq reformasyn júzege asyrý maqsatynda mınıstrliktegi transformasıa úderisi aıasynda ótti. Mundaı shara mınıstrlikte alǵash ret ótip otyr. Aldaǵy ýaqytta toqsan saıyn mınıstrliktiń úzdik qyzmetkerlerimen dál osylaı mınıstrdiń kezdesip otyrý dástúri jalǵasatyn bolady.
