Fılıppın prezıdenti Rodrıgo Dýterte jemkor sheneýnikterdi qatań jazalaıtynyn aıtyp, taǵy da daýly málimdeme jasady. Ol málimdemesinde olardy tikushaqtan qulatatynyn jetkizgen. Oǵan qosa, mundaı áreketke buryn da barǵanyn aıtty, dep habarlady  Philippine Star.

«Eger sizdiń sybaılas jemqorlyqqa qatysyńyz bolsa, onda men sizdi tikushaqqa otyrǵyzyp, Manılanyń jolynda sizdi laqtyryp jiberemin», – dedi Ońtústik Kamarınes ólkesindegi el aldyndaǵy sózinde.

Memleket basshysy osy aıda qylmysqa qatysy bar adamdardy da jeke ózi óltirgenin moıyndady. Osylaısha polısıaǵa qylmyskerlermen qalaı kúresý kerektigin kórsetti.

Ákimdik qyzmetpen Rodrıgo Dýterte 20 jyl boıy aınalysyp keldi. Osy jyly jazda ol Fılıppınniń prezıdenti bolyp saılandy. Bılikke kelisimen, Dýterte esirtkige qarsy kúres júrgizdi. İs barysynda 5000-ǵa jýyq adam óltirilgen, odan bólek  úsh myńǵa jýyq adam belgisiz sebeptermen óltirildi. Synshylar Dýterte ýkimetin sotsyz, tergeýsiz óltirýge júginedi dep aıyptap otyr.

Dýterteniń daýly málimdemesinen keıin elde opozısıa men quqyq qorǵaýshylardy prezıdentti ýákildiginen aıyrý maqsatynda parlament sotyna tartýǵa shaqyryp jatyr.

BUU adam quqyqtary jónindegi joǵarǵy komısary Zeıd Raad al-Hýseın Dýterteniń málimdemesine baılanysty resmı tergeý jumystaryn bastaıtynyn aıtty.

Sonymen birge fılıppındik Social Weather Stations statısıkalyq agenttiktiginiń málimetine súıenip, BAQ ókilderi   Dýterteniń Fılıppınde jaqtaýshylarynyń kórsetkishi joǵary ekenin aıtady. Memleket basshysynyń qyzmetimen suralýshylardyń 63%-y qanaǵattanatynyn jetkizgen. Odan bólek Dýterte 2016 jylǵy eń yqpaldy adamdardyń kóshin bastap,  amerıkalyq Forbes jýrnalynyń tizimine endi. Tizimde 74 adamnan 70-oryndy ıelendi.