Ońtústik Koreı ýnıversıtetiniń mamandary zertteý júrgizip, onyń nátıjesin jarıalady. Oǵan saı adam kishkentaı kezinde basqa elge  kóship, ana tilin umytsa da jadynda ana tili máńgige saqtalyp qalady.

Zertteýge Ońtústik Koreı elinen asyrap alynǵan goland tilinde sóıleıtin eresek adamdar qatysty dep habarlaıdy bbc.com. Olar koreı tilin bilmese de,  koreı tilinde sóıleý máneri saqtalǵan. Sondyqtan ǵalymdar sábı dúnıege kelgennen bastap ata-analarǵa balalarymen ana tilinde sóıleýge keńes beredi.

Zertteý tobynyń jetekshisi Djıýn Choı mańyzdy tildik ıkemder adam ómirindegi alǵashqy aılarda paıda bolady degen qorytyndy jasaǵan. Ony birneshe jyl ótkennen keıin de qosymsha kúsh jumsaımaı qalpyna keltirýge bolady.

 Ǵalymdar golandtyq eki toptyń arasynda synaq jasady. Olar elde týyp-óskender men sábı kezinde asyrap alynǵandar. 6 aıǵa deıingi ýaqytta asyrap alynǵandar ózderine beıtanys tildegi sózderdi Golandıada týyp-óskenderge qaraǵanda durys aıtady eken.   

Djıýn Choı osy málimetterdi eskere otyryp mynadaı keńes beredi: «Ótinemin, este saqtańyzdar, tildi úırený sábıdiń ómirindegi alǵashqy kezeńde bastalady. Dál osy ýaqytta tildi úırený qabileti qalyptasady. Balalaryńyzben kóp sóılesýge tyrysyńyzdar. Sebebi olar sizdiń aıtqandaryńyzdy sińirip alady».

Tildi túsiný prosesi óte erte bala ananyń qursaǵynda jatqanda-aq bastalady. Sábı dúnıege kelgende anasynyń daýysyn tanıdy.

Ana tilin túsiný óte erte kezde qalyptasatyny burynnan belgili. Alaıda ana tilin ıgerý tájirbıe arqyly kelmeıtinin onyń abstraktili proses ekenin ǵalymdar buǵan deıin bilmedi.