Qarjy polısıasynyń quryǵynan Talǵar qalasynyń ákimi de qutyla almady. Adaıbek Qojahmetov óziniń jumys kabınetinde jetinshi qyrkúıek kúni jalǵa beretin jer úshin, anaý-mynaý emes, bir jarym mıllıon teńgeni (10 myń AQSH dollaryn) alyp jatqan jerinde ustaldy. Shendiniń qarajatty qolymen ustamaı, qamdanýy da quzyrly organnyń qarymdy qolynan ony qutqarmady. Jasyryn kameramen túsirilgen beınebaıan men «para» belgisi bar aıǵaq aqshalar, ákimniń áreketin áshkere etti.
[video w="500"]http://youtu.be/F-KdKgpQI_g[/video]Artynan belgili bolǵandaı, bir jarym mıllıon teńgeni jeke kompanıa dırektory, ákim myrzaǵa, qalanyń qaq ortasynan beriletin jarnama telekeshenine arnalǵan telim úshin bergen. Kóp kók qaǵazdyń qyzyǵyn kórmegen boıy áreketi áshkere bolǵan ákimniń júregi, mundaı sumdyqty kótere almaı, syr bergen kórinedi. Sóıtip, qarjy polısıasynyń qyzmetkerleri sheneýnikti kisendemeı, kisilik tanytqan. Saldarynan qylmystyq is qozǵalǵanymen, ákim Adaıbek úı qamaqqa alynypty.
Zarına Álisher
"Qamshy" aqparat
Pikir qaldyrý