Tanymal ádebıetshilerdiń ádetteri men úreıleri olar jaıynda olardyń ómirbaıandyq derekterinen de kóp ári áserli qylyp aıtyp bere alady. Tómendegi myna qyzyqty faktiler men olardyń ómirinde bolǵan oqıǵalar oqyrman qaýymdy tańǵaldyrýy múmkin dep jazady massaget.kz.

Nıkolaı Vasılevıch Gogol

Gogol ómir boıy ony tiri kúıinde kómip tastaý qaýpinen qoryqty. Alaıda, jazýshynyń bul úreıi negizsiz bolmady, sebebi Gogol jas kezinde ensefalıt bezgeginen zardap shekken. Ol kezekti ret esten tanyp qalǵannan keıin ony ólige qabyldap kómip tastaýdan qatty qoryqty. Ómiriniń sońǵy jyldarynda onyń úreıi dúrbeleń qorqynyshqa aınaldy. Osyǵan baılanysty ol tipti kerýetke jatyp uıyqtamaı, ústelde otyryp uıyqtaýǵa májbúr boldy.

Vladımır Maıakovskıı

Maıakovskıı aýadaǵy ártúrli ınfeksıalardy juqtyryp alýdan qatty qoryqty. Sondyqtan da ol esiktiń tutqalaryna eshqashan qol tıgizbedi. Sondaı-aq ol ózimen birge qolǵabyn tastamaı, tipti sheshpeı kıip júrdi.

 Sergeı Esenın

Esenın bolsa, merez dertine shaldyǵýdan qatty qoryqty. Tipti mynandaı jaıttar da oryn alǵan: Eger murnyna kishkentaı bezeý shyqqanyn baıqasa, aınaǵa qarap, bezeýden kóz almaı baqylaıtyn bolǵan. Al keıbir kezderde tipti kitapxanaǵa asyǵyp, onda aýrýdyń barlyq damý joldaryn oqyp, zertteıtin bolǵan eken.

Edgar Allan Po

Edgar Po ómiriniń sońyna deıin qarańǵydan qoryqqan. Múmkin bul qorqynyshynyń bir sebebi, onyń bala kezinde molada sabaq oqyǵanynda shyǵar... Sebebi, bolashaq jazýshy oqyǵan mekteptiń xali tym nashar bolǵany sonshalyq, tipti kitap satyp alatyn jaǵdaıy da bolmaǵan. Alaıda, matematıkadan beretin tapqyr muǵalim matematıka sabaǵyn mektep janyndaǵy molalarda ótkizgen. Ár oqýshy marqumnyń qulpytasyndaǵy qaıtys bolǵan jylynan týǵan jylyn alyp, baqılyq jannyń neshe jyl ómir súrgenin esepteıtin bolǵan. Sondyqtan da Edgar Allannyń qorqynyshty áńgimelerdiń negizin qalaýshylardyń biri bolǵanyna tańǵalýǵa bolmaıdy.

Djeıms Djoıs

Djoıs kınofobıamen, keraýnofobıamen jáne gıdrofobıamen aýyrǵan, ıaǵnı sýdan, ıtten, sosyn naızaǵaıdan qoryqqan. Jas kezinde ol úshin jýyný - kúrdeli ári áreń sheshiletin máseleleriniń biri edi.

Stıven Kıng

Kıng ushaqtardan, naqtyraq aıtqanda ushaqpen ushýdan, odan basqa "13" sanynan jáne qara mysyqtan qatty qoryqqan. Óziniń kitaptaryn jazyp jatyp ol eshqashan on úshinshi betke toqtamaıdy jáne ol qarańǵydan qoryqqandyqtan únemi jaryq jaǵyp uıyqtaǵan.

Aýdarǵan: Rýslan Meralıev