Nege osy grýzınder grýzın aksentimen maqtanady? Óıtkeni olar toǵyz jasqa deıin balalaryn grýzınshe oqytady. Osynyń arqasynda qazir Grýzıada ekiniń biri aǵylshynsha biledi. «Orys áleminiń» ezgisinen de birinshi bolyp solar shyqty. Japondar nege myqty? Japondar bastaýysh synypta balalaryna eshbir tildi aralastyrmaı taza japonsha bilim beredi eken. Fýndamentin qalyptastyryp alady! Al bizde kerisinshe oryssha aksentsiz sóılegenine maqtanady. Bul maqtanysh emes, tragedıa! Olar tildiń ımýnıtetine sýısıd jasap, ony óz qolymen óltirip tastaǵan. Máńgúrtterdiń qazaqsha mas adamdaı sóıleıtini sodan. Sen oryssha sóıleıtin mazaqtyń (qazaq emes) qazaqsha bir sózdi tilin buramaı (buzbaı) aıtqanyn kórdiń be? Joq! Sebebi olar endi qaıtyp qazaqtana alaıtyndaı bolyp orystanyp ketken. Oryssha aıtqanda, obrechennye! Búkil álemde eń aldymen ana tilin oqytady. Ana tilin bilmegen adamdy mádenıetsiz sanaıdy. Bizdegideı bastaýyshta birneshe tildi tyqpalap, búldirshinniń mıyn ashytyp jatqan eshkim joq. Bizdegiler balanyń emes, bolashaqtyń mıyn ashytyp (dúbáralaı túsip) jatyr. Sondyqtan bastaýysh klasta tek qana qazaq tilinde bilim berý kerek. Fýndamenti durys bolmasa úı de qulap qalady ǵoı. Al oqýshynyń fandamentin durys qalyptastyrmasaq, erteń taǵy osylaı barmaq tistep qalamyz...
 

Jolymbet Mákishtiń Feısbýk paraqshasyndaǵy jazbasynan