Qoqys konteınerinde jańa týylǵan náreste tabyldy. Ony Almaty qalasynyń joǵarǵy oqý oryndarynyń birinde  jataqhana janynan kezdeısoq adam taýyp alǵan. Al izdestirilý nátıjesinde tabylǵan bala anasy jansaqtaý bólimine jetkizildi. Bul týraly «Qamshy» portaly saravan.kz-ke silteme jasaı otyryp habarlaıdy.

Saǵat tańǵy 6 lar shamasynda er adam  sábıdi qoqystan  kórip qalǵan. Balany taýyp alǵan er adam birden polıseı qyzmetkerlerine habarlasyp, jedel járdem shaqyrtqan. Kindigi kesilmegen balany aýrýhanaǵa jetkizgenimen, ómirin saqtap qalý múmkin bolmady.

Bala birer saǵattan soń  kóz jumǵan. Polıseı qyzmetkerleri jataqhana bólmeleriniń birinde sábı anasyn tapqan. Ol 18 jasar Qyzylorda oblysynyń turǵyny, Almaty qalasy joǵarǵy oqý oryndary biriniń 2-kýrs stýdenti eken.

Medısıınalyq kómekke muqtaj bolǵan qyzdy jansaqtaý bólimine jetkizgen. Jas ananyń jataqhana bólmesinde ózi jalǵyz bosanǵandyǵy belgili bolyp otyr. Qazirgi ýaqytta jas qyzǵa qatysty tergeý áreketteri júrgizilýde.