«Ár eldiń salty basqa, ıtteri qara qasqa demekshi» álemde biz bilmeıtin, kóz kórmegen salt joralar men dástúrler óte kóp. Onyń ishinde túsinbeı jatatyndarymyz qanshama? «Qamshy» portaly álemdegi eń jantúrshigerlik ári túsiniksiz salt-joralardy anyqtap kórdi.
Sábılerdi bıiktikten laqtyrý
Úndistanda Grıshnevor degen ǵıbadathana bar. Osy ǵıbadathanada eń qaýipti saltty júzege asyrady. 1-2 jasar sábılerdi 15 metrlik bıiktikten laqtyrady. Laqtyrmas buryn balany silkip-julqyp, áben jylaǵansha esin shyǵarady. Bala tómende aqjaıma ustap turǵan kópshilikke qaraı qulaıdy. Biraq osymen salt-jora bitpeıdi. Esi shyqqan bala osydan soń jınalǵan tanys emes adamdar arasynan qolma-qol ótýi tıis. Sonda osy balaǵa qoldary tıgen adamdar baqytty bolady degen senim qalyptasqan. Al barlyq adamnyń qolynan ótken bala eń sońynda ǵana anasynyń qolyna tıedi.
Azaptaný
Papýa Gvıneıa halqy saltynda uldyń ıakı er-jigittiń eresektikke ótý prosesin júzege asyrý júrgiziledi. Jas jigit eresektik, erkektik shaqqa ótýi úshin belgili-bir synaqtan ótýi tıis. Eń birinshi úlkenderdi syılaý, qurmatteý maqsatynda er-jigitti urǵyzady. Sodan soń keýdesin tilip, qan shyǵarady. Kelesi kúni denesin taǵy da bambýktyń úshkir qabyǵymen tiledi. Bul salt oryndalý barysynda jigit áıel adamnyń eshqaısysymen sóılespeýi, kómek suramaýy tıis. Bul proses aıaqtalǵan soń jigitti qorshaǵan ortadan aýlaqtap, jalǵyz qamap qoıady. Dál osy ýaqytta oǵan qoltyraýynnyń rýhy kiredi dep esepteledi eken.
Qumyrsqa qolqaptary
Brazılıada Satere-mave taıpasynda ul bala 13 jasqa kelgende synaqtan ótýi kerek. Jasóspirim qolyna qumyrsaqalary bar qolqap kıip on mınýt boıy bılep shyǵýy tıis. Mundaǵy basty shart qatty jany qınalsa da, aıqaılap jibermeı shydaý qajet.
Okıp saltanaty
Soltústik Dakotada Mandana rýynda jan-túrshiktirer salt bar. Okıp meıramy 4 kún boıy toılanady. Osy kúnder ishinde jastar ózderiniń qaharmandyq qasıetterin dáleldeý úshin synaqtan ótedi. Osy ýaqyt aralyǵynda tamaq ishýge, demalýǵa tyıym salynady. Nátıjesinde jigitterdiń shynashaqtaryn kesedi. Basty shart ne bolsa da, kúlimdep turý.
Tis egeý
Indonezıadaǵy Mentavaı aralynda qyzdar tek tisterin egegen soń ǵana sulýlana túsedi degen senim qalyptasqan. Tisti egeýdi tastar men kesý quraldary arqyly júzege asyrý shart.
Kannıballızm
Úndistan soltústiginde áli kúnge deıin adam jegishter mekendeıdi eken. Ahorıs taıpasynan shyqqandar adam etiniń kúsh pen energıa beretinine, álemdi tanýda túsinýde taptyrmas qajetti as dep túsinedi. Osy maqsatta olar ólgen adam máıitterin qýyryp jeı beredi eken.
