Qaraǵandy oblysy Shahtınsk aýdanynyń Dolınka kentindegi jalpy bilim beretin orta mektep oqýshysynyń sabaqqa mas kúıinde kelgeni úshin dırektordyń orynbasary men synyp jetekshisi tártiptik jaýapkershilikke tartyldy, dep habarlaıdy «QazAqparat» HAA.

Qalanyń bas pedagoginiń aıtýynsha, jetinshi synyp oqýshysy qatty kúızelisten spırttik ishimdik ishken.

«Oqýshynyń mas kúıinde sabaqqa kelgeni úshin tárbıe jumysy jónindegi dırektordyń orynbasary men oqýshynyń synyp jetekshisi tártiptik jazaǵa tartyldy», - dedi Shahtınsk qalasy bilim berý bóliminiń basshysy Nıkolaı Onsovıch.

Qalanyń bas pedagoginiń aıtýynsha, jetinshi synyp oqýshysy qatty kúızelisten spırttik ishimdik ishken.

«Onyń ata-anasynyń qarym-qatynasynda qıyndyqtar týyndaǵan jáne bala muny aýyr qabyldaǵan. Bul otbasy jaqynda Qyzylorda qalasynan kóship kelgen. Bala jańa mektepte ázirge beıtanys balalarmen birge oqyp júr. Osy oqıǵadan keıin mektepke birneshe ret baryp, balamen sóılestim. Oǵan bul mektepte oqyǵan unaı ma, oqý baǵdarlamasyna úlgerip jatyr ma dep qyzyǵýshylyq tanyttym. Ózimniń telefon nómirimdi berip, qajet bolsa habarlasýyn suradym», - dedi Nıkolaı Onsovıch.

Eske sala ketsek, Dolınka kentindegi orta mekteptiń jetinshi synyp oqýshysy sabaqqa ólesi mas bolyp kelgen edi.