Naýryz  - búldirshinderdiń merekesi bolýy tıis. Solaı etsek, meıramnyń maǵynasy tereńdeı túspek. Mádenıet jáne sport mınıstri Arystanbek Muhamedıuly ulystyń uly kúni qarsańynda osyndaı usynys aıtty dep habarlaıdy «Qamshy» portaly 31 arnaǵa silteme jasaı otyryp.

Mınıstr osylaısha óskeleń urpaqty ultjandylyqqa tárbıeleımiz degen pikirde. Sonymen qatar Arystanbek Muhamedıuly 22 naýryzda kóshege shyǵyp, týystardy aralaýmen ǵana shektelmeý kerek dep otyr. Jańarý kúninde ár azamat óz múmkindiginshe eldiń damýyna úles qosýǵa umtylǵany durys deıdi. Mınıstr bul rette aǵash otyrǵyzýdy dástúrge aınaldyrypty.

ARYSTANBEK MUHAMEDIULY, QR Mádenıet jáne sport mınıstri:

- Men jyl saıyn otyrǵyzamyn aǵashty. Endi shynymdy aıtaıyn, men ómirde ózimniń qaǵıdattarymdy mindetti túrde oryndaımyn. 1 aǵash qana emes, 1 ul ǵana emes, 1 úı ǵana emes barlyǵy mindetti túrde. Aǵash otyrǵyzý mindet qana emes, jan-dúnıeme jaqyn áreket. Nege deseńiz, aǵashty otyrǵyzyp, gúldenip jatsa, onyń kóriktiligi elge bir jaqsylyq alyp kelip jatsa, árıne ol úlken qýanysh.