Búgin Qazaqstan Respýblıkasy Parlamenti Senatynyń Halyqaralyq qatynastar, qorǵanys jáne qaýipsizdik komıtetiniń tóraǵasy Darıǵa Nazarbaeva bastaǵan Qazaqstan Respýblıkasy Parlamentiniń senatorlary I.Adyrbekov, M.Altynbaev, N.Ábiqaev, S.Jaqsybekov, L.Qıynov, G.Kım jáne Shymkent qalysynyń ákimi Jaqsylyq Túımebaev memleket jáne qoǵam qaýipsizdigin qamtamasyz etý máseleleri boıynsha Qazaqstan Respýblıkasy Ulttyq ulanynyń Shymkent qalasynda ornalasqan 6506 áskerı bólimine arnaıy issaparmen keldi dep habarlaıdy qamshy.kz Ulttyq ulan «Ońtústik» óńirlik qolbasshylyǵynyń baspasóz qyzmetine silteme jasap.

         Kezdesý barysynda QR Ulttyq ulany «Ońtústik» óńirlik qolbasshylyǵynyń qolbasshysy general-maıor Qaırat Aqtanov jáne onyń orynbasarlary, sondaı-aq 6506 áskerı bóldiminiń komandıri Jambyl Qulbaev  depýtattardy 6506 áskerı bóliminiń jaýyngerlik qyzmeti jáne áskerdiń jeke quramyna júktelgen quqyq qorǵaý mindetteri týraly, sondaı-aq áskerı qurylymdy odan ári damytýdaǵy keleshekte atqarylatyn ister jaıynda habardar etti. 

İssapar barysynda senatorlarǵa tehnıkanyń, qarý-jaraq pen qorǵanys quraldarynyń jańa úlgileri, sondaı-aq Ulttyq ulannyń jetildirilgen jańasha áskerı kıim úlgileri tanystyrylyldy.

Áskerı bólimniń tynys-tirshiligimen tanysqan Darıǵa Nursultanqyzy bastaǵan jumys toby 1995 jyly tájik-aýǵan shekarasynda bolǵan qaqtyǵysta erlikpen qaza tapqan İshki áskerdiń jaýjúrek 17 jaýyngeriniń eskertkishine taǵzym jasady.

İs-shara sońynda depýtattarǵa Ulttyq ulan Bas qolbasshysy general-leıtenant Rýslan Jaqsylyqovtyń buıryǵymen qurylǵan «Jas búrkit» áskerı-patrıottyq klýbynyń tárbıelenýshileri jaýyngerlik ádis-tásilderden qoıylymdar kórsetti.