AQSH prezıdenti Donald Tramptyń qyzy Ivanka Tramp prezıdenttiń arnaıy keńesshisi qyzmetin resmı túrde ıelenedi jáne qyzmette memlekettik qyzmetkerge arnalǵan etnıkalyq normalarǵa baǵynady, dep jazdy Azattyq Aq úıdiń baspasóz qyzmetine silteme jasap.

Málimdeme demokrat senatorlar ózderiniń etıkalyq máseleler jónindegi federaldyq basqarmaǵa joldaǵan hatyn jarıalaǵan soń birneshe saǵattan keıin jasaldy. Hatta senatorlar prezıdenttiń bıznespen aınalysatyn qyzynyń keńesshi retinde qyzmet atqarýynan múddeler qaıshylyǵy týyndaýy múmkin dep dabyl qaqqan. Senatorlar federladyq basqarmadan prezıdenttiń qyzy bıznes aktıvterin táýelsiz basqarýǵa berýi tıis pen álde ol belgili bir memlekettik qyzmetti atqarmaýy kerek pe dep suraǵan.

Ivanka Tramp «barlyq etıkalyq normalardy» óz erkimen oryndasa da mundaı syndarǵa jaýap retinde Tramp ákimshiliginde resmı qyzmetke turýǵa sheshim qabyldaǵanyn málimdedi. Ivanka Tramp qyzmeti úshin jalaqy almaıdy.