«Qamshy» portalynyń jetekshisi Bilál Qýanysh Qazaqstan arnasynan shyǵatyn asa mańyzdy taqyryptardy talqylaıtyn baǵdarlama «Basty taqyrypqa» suhbat berdi.

Suhbatta Alash taqyryby, Májilis depýtaty Azat Preýashev usynys jasaǵan Azamattyq berýge jańa ereje engizýge saı Qazaqstannyń ulttyq qaýipsizdigi máselesi, Qazaq kóshi-qonynyń jaı-kúıi aıtyldy. 

Aıta ketetin bolsaq, bıyl «Qamshy» aqparattyq agenttigi Alashtyń ǵasyr toıy qarsańynda birneshe is-sharany qolǵa alyp, bastama kóterdi. Atap aıtqanda, 5 naýryz kúni Almatydaǵy Baıtursynuly mýzeı-úıinde Alash arystaryna arnap as berdi.  Sáýir aıynda Alash arystaryna arnalǵan júz aǵash egý, Mamyr aıynda júz jetim balaǵa qamqorlyq, Júz stýdentke stependıa sıaqty aksıalar ótkizedi. Sondaı-aq, jyl sońynda Alash arystarynyń Júz izbasary degen atpen memleketke eńbek etip júrgen búgingi kúnniń qaıratker tulǵalarynan on kisige arnaıy tósbelgi tabystalady.