«Taqtar oıyny» telehıkaıasy jetinshi kezeńi bıylǵy jyly shildeniń 16-synda efırge shyǵady. Fentezı janryndaǵy amerıkalyq dramalyq teleserıaldyń jańa kezeńiniń promo-rolıgi shyqty dep habarlaıdy Qamshy.kz

Eske sala ketsek, buǵan deıingi kezeńderi jyl saıyn sáýir aıynda shyqqan bolatyn.
Buǵan deıin taralǵan aqparat boıynsha «Taqtar oıyny» segiz kezeńmen qorytyndylanady. Sonymen qatar qysqa bolady, burynǵysynsha on bólimnen emes tek jeti serıadan turady.

Aıta ketsek, HBO telearnasyn kórsetilip kele jatqan «Taqtar oıyny» - Djordj Martınniń "Muz ben ot jyry" romandar sıkli boıynsha túsirilgen fentezı telehıkaıa. AQSH-ta alǵashqy maýsymynyń tusaýkeseri HBO arnasynda 2011 jyly 17 sáýirde ótti; 2014 jyly barlyq tórt maýsymy kórsetildi.

"Taqtar oıynynyń" júrisi ortaǵasyrlyq Eýropany eske túsiretin oıdan shyǵarylǵan álemde órbıdi, biraq ol álemde jyl mezgilderi birneshe jyldarǵa sozylady. Serıalda is-áreket uzaq jazdyń sońynda bastalady. Serıalda bir ýaqytta kóp keıipker kórsetiledi jáne bir birimen baılanysty birneshe sújet jelisi órbıdi. Olardyń bireýi birneshe bedeldi áýletterdiń patshalyq taǵy úshin shaıqasqa arnalsa, basqasy — eldiń soltústigindegi eski Qorǵandy kúzetetin jutań joldastyq, tabıǵattan tys kúshterge qarsylyq týraly, al úshinshisi — otanyna oralý úshin shyǵys elderinde ózine odaqtas izdep júrgen qýǵyndalǵan hanshaıym Deıenerıs Targarıen týraly. Serıalda qıal-ǵajaıyp jaratylystar da kórsetiledi: aıdaharlar jáne arýaqtar. "Taqtar oıyny" úshin óte jaman jáne óte jaqsy keıipkerlerdiń bolmaýy has, kóptegen qaharmandar ártúrli áreketter jasap, kórermen kútpegen sátte ólip qalýy ǵajap emes. Serıalda saıasat, din, azamattyq soǵys, áıelderdiń qoǵamdaǵy orny jáne qylmys pen jaza taqyryptary qamtylǵan. Serıal úshin arnaıy birneshe jasandy tilder jasalǵan, solardyń ishinde dotrakı tili de bar.