Úndistannyń Odısha shtatynda jantúrshigerlik jaǵdaı oryn aldy. Balalar qumda oınap jatyp, kishkentaı sábıdiń aıaǵyn kórip qalady. Balalar birden úlkenderdi shaqyryp keledi. Olar qumnan týylǵanyna birneshe saǵat qana bolǵan sábıdi taýyp aldy.

Kishkentaı qyzdyń denesi kók shóberekpen oralǵan. Sábıdiń jylaǵany estilmeýi úshin onyń beti men aýyzy shóberekpen tumshalanǵan eken. Adamdar polısıa men dárigerlerdi shaqyrdy. Abyroı bolǵanda bala aman qaldy. Polıseıler sábıin óltirmek bolǵan anasy men ákesin izdestirip jatyr. Qazir balanyń ómirine eshqandaı qaýip tónip turǵan joq.

Úndistanda mundaı jaǵdaıǵa tań qalmaıdy. Sebebi nanyn áreń taýyp júrgen otbasynda qyz dúnıege kelse, olar úshin bul qýanyshty jańalyq emes. Sebebi qyz jat jurttyq bolǵannan keıin óskende turmysqa shyǵatyny belgili. Al oǵan qyzynyń jasaýyn daıyndaý kerek. Ol Úndistanda az aqsha turmaıdy. Resmı emes derekterge saı, Úndistanda zańsyz túsik tastaý sońǵy jyly mıllıondaǵan qyzdyń ómirin qıdy.