Gennadıı Golovkınniń jekpe-jegi 17 shildede "Astana Arena" stadıonynda ótedi. Bul týraly Dene shynyqtyrý jáne sport basqarmasynyń jetekshisi Berik Marjyqpaev málimdedi, - dep habarlaıdy Tengrinews.kz.

 "Jekpe-jektiń 17 shildede ótetini belgili boldy. Golovkın qolyn qoıdy. "Astana Arenada" ulybrıtanıalyqpen judyryqtasady. Sondyqtan daıyndalyńyzdar, aqsha jınańyzdar, bıletter arzan bolmaıdy degen oıdamyn. Eki aptada bári anyq bolady. Kásipqoı boks bızneske aınalyp ketti ǵoı. Menińshe, bılet baǵasy 10-15 myń teńge bolady", - deıdi ol.  

Eske salaıyq, 18 naýryzda Denıel Djeıkobspen jekpe-jekten keıin Golovkınniń kelesi kezdesýi Astanada ótedi degen sóz taraǵan bolatyn. Sonderstiń promoýteri Frenk Ýorren naýryz aıynyń sońynda qazaqstandyq boksshynyń komandasymen kelissóz júrgizip jatqanyn málimdegen edi.