Alakól kóli Almaty oblysy sýǵa ketken Alakóldegi shomylý maýsymynyń bastalǵanyna eki apta ótti. Qutqarýshylar osy ýaqyt ishinde sýǵa ketip bara jatqan 7 adamdy qutqaryp alǵan dep habarlaıdy 24.kz. Almaty oblystyq Tótenshe jaǵdaılar departamentiniń jedel qutqarý jasaǵy kól jaǵasynda demalýshylar arasynda túsindirý jumystaryn júrgizdi. Ádettegideı shomylý maýsymy bastalar-bastalmastan-aq qutqarýshylardyń da jumysy qyza túsedi. Alakól jaǵasynda ornalasqan Almaty oblystyq Tótenshe jaǵdaılar departamentiniń jedel qutqarý jasaǵy qajetti tehnıka, qural-saımandarmen tolyq qamtamasyz etilgen.

Mundaǵy súńgýirler 20-25 metr tereńdikte jumys isteı alady. Marat Smaǵulov, Alakól qutqarý bólimshesiniń jetekshisi: - 13 adam jumys jasaıdy. Sonyń ishinde medbıkemiz bar. Qalǵan 12-si súńgýir-qutqarýshylar. Demalýshylar jyldan-jylǵa baıyp kele jatyr. Demalys oryndary kóbeıip bara jatyr. Sýy dertke daýa, janǵa shıpa bolǵan Alakóldiń jaǵasyna ótken jyly 500 myńnan astam saıahatshy kelgen. On eki adamnan turatyn qutqarýshylar jasaǵy, árıne, azdyq etedi. «Sondyqtan sý polısıasyn quryp, kól jaǵasynda kórsetiletin qyzmet sapasyn da barynsha jaqsartý kerek, – deıdi demalýshylar.  
Ázirge sońy qaıǵyly jaǵdaıǵa ákelip soqtyrǵan oqıǵalar bola qoıǵan joq. Degenmen sý jaǵasynda qaýipsizdik erejelerin qatań saqtaǵan abzal. Ol úshin demalýshylarǵa qaýipsizdik erejeleri jazylǵan únparaqtar taratylyp, adamdardyń sýda óz-ózin qalaı ustaýy kerektigi jan-jaqty túsindirilip jatyr.