Úndistannyń soltústik-shyǵysyndaǵy Assam shtatynda da shelektep quıǵan jańbyrdyń sońy sý tasqynyna ulasyp, 27 adam qaza tapty. Bul týraly Qamshy aqparattyq agenttigi sheteldik BAQ-qa silteme jasap habarlaıdy.

Taǵy 10 turǵyn iz-túzsiz joǵalyp ketken. Tabıǵı apatpen kúres jónindegi basqarmanyń habarlaýynsha, aımaqtyń jartysynan astamy sý astynda qalyp, 500 myńdaı adam zardap shegip otyr. Jergilikti bılik 180-nen astam ýaqytsha ortalyq ashyp, 20 myń adamdy kóshirgen. Myńǵa jýyq eldi mekendi sý basyp, 41 myń gektar egistik alqaby búlingen. Quzyrly organ ókilderi tabıǵı apat qurbandarynyń sany arta túsýi múmkin deıdi. Premer-mınıstr Narendra Modı japa shekkenderge kómek berý úshin barlyq sharalardy qolǵa alýdy tapsyrdy.

Aıta keteıik, ótken aıdyń ortasynda da Assam shtatynda sý tasqyny bolyp, 14 turǵyn kóz jumǵan edi.

Sholýshy: Aıgerim Taýbaı