Almaty oblysy ákiminiń orynbasary taǵaıyndaldy. Bul qyzmetke buǵan deıin QR Premer—mınıstri Keńsesiniń Óńirlik damý bólimi meńgerýshisiniń mindetin atqarǵan Tuıaqov Jeńis Shylbynuly keldi, dep jazady Qamshy aqparat agenttigi. Bul týraly Premer-mınıstrdiń resmı saıty habarlady.

Búgin Almaty oblysy aktıviniń jınalysy barysynda ákim A. Batalov ákimniń jańa orynbasaryn tanystyrdy.

Jeńis Tuıaqov – Almaty oblysynyń týmasy, 1967 jyly dúnıege kelgen. Eki joǵary bilimi bar: «Ekonomıka jáne menedjment» mamandyǵy boıynsha ekonomıka jáne quqyq ınstıtýtyn jáne Almaty memlekettik medısınalyq ınstıtýtyn támamdaǵan.

Taǵaıyndalǵan ákim orynbasarynyń ortalyq jáne jergilikti atqarýshy organdardaǵy basqarý jumysynda tájirıbesi mol.

Ártúrli jyldary QR Energetıka mınıstrliginiń departament dırektory bolyp jumys istegen, Qazaqstannyń birneshe óńirinde energetıka jáne TKSH salalarynda salalyq qurylymdardy basqarǵan.

Budan ózge, Jeńis Tuıaqov energetıka salasyndaǵy ulttyq kompanıalarda basqarýshy qyzmetter atqarǵan, sonymen qatar «Qazaqstan elektr jelilerin basqarý kompanıasy» AQ («KEGOC») basqarýshy dırektory bolyp jumys istegen.