Reseı bıligi beısenbi kúni 3 tamyzda AQSH-tyń vıse-prezıdenti Mak Penstiń málimedemesin aıyptady, dep jazady Qamshy.kz aqparat agenttigi.

2 tamyz kúni Batys Balqan elderine sapary barysynda Pens «Reseı aýdandy turaqsyzdandyrý isine kóshti, demokratıaǵa nuqsan keltirip, senderdi jáne Eýropa elderin ózara bólisip almaq» degen edi. Sondaı-aq Balqan elderiniń basshylaryn «senimdi, ári agresıa aldynda ymyrasyz» bolýǵa shaqyrdy.

Reseı syrtqy ister mınıstriligi shyndyqqa janaspaıtyn málimedemeniń túbi «shıelenistiń ýshyǵýyna» ákelip soǵatynyn aıtty.

«AQSH belsendi túrde Ońtústik Shyǵys Eýropanyń NATO-ǵa qosylýyna balama joq degen tezısti ustanyp keledi. Ókinishke oraı, Vashıngton shyndyqtan tolyqqandy alystatylǵan Sýyq soǵys kezeńindegi ıdeologıany kóshirip keledi», - delingen Reseıdiń SİM habarlamasynda.

Sondaı-aq mınıstrlik AQSH-qa Reseıdi jáne onyń ishki saıasatyn «qaralaı berýin» doǵarýǵa shaqyrdy.