Qazaqstan Respýblıkasy Ulttyq Banki Basqarmasynyń 2017 jylǵy 31 shildedegi №152 qaýlysymen 2017 jylǵy 4 tamyzdan bastap qosa alǵanda 2017 jylǵy 1 qarashaǵa deıin «Delta Bank» AQ-tyń jeke jáne zańdy tulǵalardyń depozıtterin qabyldaýǵa, jeke jáne zańdy tulǵalardyń bank shottaryn ashýǵa lısenzıasy toqtatyla turady, dep jazady Qamshy.kz aqparat agenttigi.  

Bul sheshimdi Ulttyq Bank Banktiń banktik zańnama talaptaryn jekelegen buzýshylyqtaryna qadaǵalaýshylyq retteý jáne «Qazaqstan Respýblıkasyndaǵy bankter jáne bank qyzmeti týraly» Qazaqstan Respýblıkasy Zańy 48-babynyń 1-tarmaǵy v) jáne g) tarmaqshalarynda kózdelgen negizder boıynsha, tólem jáne aýdarym operasıalary boıynsha sharttyq mindettemelerdi únemi (qatarynan kúntizbelik on eki aı ishinde úsh jáne odan kóp ret) tıisinshe oryndamaý jáne únemi (qatarynan kúntizbelik on eki aı ishinde úsh jáne odan kóp ret) prýdensıalyq normatıvterdi jáne (nemese) basqa saqtalýy mindetti normalar men lımıtterdi buzǵany úshin ishki baqylaý júıelerin jaqsartý qajettiligi sheńberinde qabyldady.

Lısenzıa jańa depozıtterdi tartýǵa jáne jeke jáne zańdy tulǵalardyń jańa bank shottaryn ashýǵa qatysty toqtatyla turady jáne Banktiń qoldanystaǵy depozıtteri men klıentterine qyzmet kórsetýge qatysy joq.

 2017 jylǵy 1 shildedegi jaǵdaı boıynsha «Delta Bank» AQ jeke tulǵalarynyń qabyldanǵan depozıtteriniń kólemi 0,25 mlrd. teńgeni, zańdy tulǵalardyń depozıtteri 85,6 mlrd. teńgeni quraıdy. Banktiń depozıttik portfeliniń úlesi bank júıesi depozıtteriniń jıyntyq kóleminiń 0,5%-yn quraıdy.