Qazaqstan Respýblıkasynyń ulttyq ekonomıka vıse-mınıstri bolyp Baýyrjan Bekeshev taǵaıyndaldy,  dep habarlaıdy Qamshy.kz aqparat agenttigi primeminister.kz saıtyna silteme jasaı otyryp.

Baýyrjan Bekeshev 1961 jyly Qaraǵandy oblysynda dúnıege kelgen.

1983 jyly Qaraǵandy polıtehnıka ınstıtýtyn, 2001 jyly — E. A. Bóketov atyndaǵy Qaraǵandy memlekettik ýnıversıtetin támamdaǵan. Mamandyǵy boıynsha — ınjener-mehanık, zańger. 

Eńbek jolyn 1983 jyly Qaraǵandy qalasynda óndiriske oqytý sheberi qyzmetinen bastaǵan.

1986–1997 jyldary ınjener-konstrýktor, «Qaraǵandykómir» ÓB taý-ken shahta jabdyqtaryn jóndeý zaýytynyń kombaındar jóndeý sehy basshysynyń orynbasary bolyp qyzmet atqarǵan.

1999–2008 jyldary «Qaraǵandy oblysynyń kásipkerlik jáne ónerkásip departamenti» MB-de, Kásipkerler men jumys berýshilerdiń jalpyulttyq odaǵynda, «Qazaqstandyq PET-qaptama óndirýshiler qaýymdastyǵy» ZTB-de jumys istegen.

2008–2014 jyldary ındýstrıa jáne saýda, ekonomıka jáne búdjettik josparlaý, ekonomıkalyq damý jáne saýda, óńirlik damý, ulttyq ekonomıka mınıstrlikterinde túrli qyzmetterdi atqarǵan.

2014 jyldan bastap qazirgi tańǵa deıin Máskeý qalasynda Eýrazıalyq ekonomıkalyq komısıanyń Kásipkerlik qyzmetti damytý departamentiniń dırektory bolyp jumys istegen.

«Eren eńbegi úshin», «QR Táýelsizdigine 20 jyl» medaldarymen marapattalǵan.