Qytaıdaǵy qandastarymyz arasynda keńinen tanymal«Dastarhan» markaly azyq-túlik ónimder kompanıasy kók týmen bezendirilgen kámpıtter shyǵara bastady. Baǵasy bizdiń aqshamen mólsherlegende 200-700 teńge aralyǵynda. Esterińizde bolsa Qazaqstan týyna uqsatylǵan taýar belgisi de shyqqan Qytaı jurtynan. Tipti ish kıimge basylǵan Qazaqstan týyna da kýá bolǵanbyz. Shyńjań qazaqtaryna Qazaqstan týraly aqparattardy múmkindiginshe az usynatyn aspan asty elinen endi qazaqy markaly, kók týmen kómkerligen kámıtti kórgende tańyrqaǵanymyzdy jasyrmaımyz.

Bir qyzyǵy, Qytaıdaǵy qandastarymzy mundaı kámpıt túrine ártúrli kózqaras ustanýda. Biri, bul keremet boldy, Qazaq eliniń týyn dastarhanymyzdan kórip otyrsaq, kóńilimiz jaılanady eken dese, biri jep bolǵannan keıin aıaqqa taptalady, sondyqtan mundaı dúnıege múldem tosqaýyl qoıý kerek deıdi.

«Dastarhan» markaly ónimderdiń tek Shyńjań qazaqtaryna arnalǵanyn eskersek, kók týmen kómkerligen kámpıttiń bolǵany durys shyǵar. Óıtkeni Qytaı eli ózge memlekettiń týyn tórine shyǵara bermeıdi. Al, mynaý júregi elim dep soǵatyn qazaqtarǵa taptyrmas oraı bolǵan sekildi. Qytaıdaǵy qazaqtildi ınternet betterindegi pikirlerge qarap otyrsaq, bireýler bul kámpıttiń ishki Qytaıdan ıaǵnı taza qytaı ultynyń qolynan shyǵatyn dúnıe ekenine nalıdy.

Ne desek te, Shyńjańdy mekendegen ultjandy baýyrlarymyz kók týdy kúndelikti kórse, kóp oıǵa qalatyny sózsiz. Tipti sol dámniń qasıetimen at basyn atamekenge buratyn azamattarda bolýy ǵajap emes. Siz ne deısiz?