Ulybrıtanıada bir qulaǵy joq, shashy qalyń sábı dúnıege keldi, dep habarlaıdy Qamshy.kz aqparat agenttigi Dni.ru saıtyna silteme jasap.

Sábıdiń ata-anasy brıtandyq Farnvort qalasynda turady. Kishkentaı sábı de sol jerde dúnıege kelgen. Jańadan týylǵan sábı ata-anasy men perzenthana qyzmetkerlerin tańqaldyrǵan: onyń shashy týylǵan sátten bastap erekshe qalyń bolypty.

Qyzdyń esimin Pıksı Roýz dep qoıǵan. Djennıfer Master esimdi jas ana qyzynyń erekshe qalyń shashyna tańqalǵanyn jasyrmady. «Meniń qýanyshymda shek joq. Meniń Raıan jáne Kelsı esimdi eki balamnyń da shashtary qalyń bolyp týylǵan, alaıda Pıksı bárinen de asyp tústi», - deıdi Djennıfer.

Sonymen qatar, Pıksıge dárigerler mıkrotıa degen dıagnoz qoıǵan, ıaǵnı sábıdiń oń qulaǵy týa bitkennen durys damymaıdy. Kishkentaı Pıksı oń qulaǵymen daýystardy estı almaıdy. Alaıda Pıksıdiń anasyna bul dıagnoz shashyna kútim jasaýyna eshqandaı da kedergi keltire almaıdy.

«Maǵan dárigerler onyń shashy qalyń bolǵandyqtan, oń qulaǵynynyń joqtyǵyn baıqatpaı, jaýyp júrýge de bolatyndyǵyn aıtty. Alaıda, men olaı istemeımin. Bul – meniń qyzymnyń ózindik ereksheligi. Búkil álem oǵan qarsy tursa da, men qyzymnyń eshbir jerin ózgertkim kelmeıdi», - deıdi Djennıfer Master.