«El-shejire» qoǵamdyq qory 2017 jyldyń 5 qazanynda Almaty qalasy İshki saıasat basqarmasynyń memlekettik áleýmettik tapsyrysy aıasynda Qazaqstan Jazýshylar odaǵynyń Ádebıetshiler úıinde «Aıbynym Alash» atty shyǵarmashylyq kesh ótkizedi dep habarlaıdy Qamshy.kz aqparat agenttigi.

Alashordanyń 100 jyldyǵyna oraı ótkizilip otyrǵan keshke tanymal aqyndar, stýdentter, oqýshylar qatysyp, Alash qaıratkerleriniń óleńderin jatqa oqıdy. Sondaı-aq olar ózderiniń Alashordanyń bir ǵasyrlyq mereıtoıyna arnap shyǵarǵan óleń shýmaqtaryn jyrǵa qosady.

Keshtiń maqsaty – Alashorda úkimetiniń jáne Alash qaıratkerleriniń murasyn qala turǵyndaryna keńinen nasıhattaý, Alash qozǵalysyna jańadan oń baǵa berip, jastardy otansúıgishtikke tárbıeleý.

Alashordanyń 100 jyldyǵy – Qazaqstan úshin torqaly toı. Mereıtoı qanshama jannyń tarıhı jadyn jańǵyrtyp, jastardyń ulttyq maqtanysh sezimin arttyrady. 20-ǵasyrdyń basynda paıda bolǵan ulttyq-demokratıalyq qozǵalys halyqtyń tek saıası ómirine ǵana emes, mádenıetine, ádebıetine tyń serpilis ákeldi. Qazaqstannyń táýelsiz el atanýynyń arqasynda keıingi urpaqqa ólsheýsiz mura qaldyrǵan ulttyq ıntelegensıamyzdyń esimderin qaıta jańǵyrtyp, olardyń erlikterine jańadan baǵa berýge múmkindik týdy.

İs-sharaǵa  Almaty qalasynyń zıaly qaýymy, qoǵam qaıratkerleri, jastar uıymdary, ÚEU jáne BAQ ókilderi qatysady. Kesh sońynda qonaqtarǵa arnap kofe-breık uıymdastyrylady.

Saltanatty is-sharanyń esigi kez kelgen jyrsúıer qaýymǵa ashyq.