Almatyda "Sberbank" fılıaly basshysynyń orynbasary men onyń qolastyndaǵy qyzmetkeri banktiń asa iri kólemdegi qarajatyn jymqyrǵany úshin sottaldy, - dep habarlaıdy Qamshy.kz aqparat agenttigi Medeý aýdandyq №2 sottyń baspasóz qyzmetine silteme jasap.
2015 jyldyń maýsymynda Almatydaǵy "Sberbank" AQ-nyń №101 fılıalynyń bastyǵynyń orynbasary bank klıentteriniń arasynda júrgizilgen aksıa kezinde "Sberbank" AQ-niń klıentterine berý úshin "FA" dúkender jelisinde kosmetıka óńimderi men kıim-keshekti alýǵa quqyq beretin 100 000 tenge nomınalyndaǵy 80 dana syılyq sertıfıkattaryn alǵan.
"Ol óziniń qyzmettik jaǵdaıyn paıdalanyp bul sertıfıkattardy ıemdenip, banktiń 14 klıentine tıesili 1 500 000 teńge somasynda "SFA" dúkeninde taýar alǵan", - dedi sottaǵylar.
Al 2016 jyldyń 28 naýryzynda ol ózine baǵynyshty S.-ny "Sberbank" AQ-nyń senip tapsyrǵan múlikti ıemdenip alý, talan-tarajǵa salýǵa ıtermeledi. A. "Sberbank" AQ -da óziniń atyna bastapqy jarnasy 7 706 275 teńge aqsha somasynda esepshotyn ashty. 2016 jyldyń sáýir aıynda banktiń klıenti A. kenetten qaıtys boldy, ony S. bilgen soń bank klıenti A.- ǵa esep shotyna qyzyǵýshylyq tanytqan B.-ǵa habarlady jáne onyń muragerleriniń joqtyǵy týraly anyqtady.
"Bank klıentteriniń shottaryna tikeleı ókilettiligi bola tura, S. men B. sms bankıng arqyly "Sberbank onlaın" kartasynyń kómegimen A. klıentiniń bank kartasynan 7 663 000 teńge aqsha somasyn alyp "Sberbank" AQ-na asa iri mólsherde materıaldyq zalal keltirdi", - delingen sottyń habarlamasynda.
Sondaı-aq, sottaǵylar sot otyrysy barysynda sottalýshylardyń óz kinálaryn tolyq moıyndaǵanyn aıtty.
"Sot úkimimen D. esimdi er adam QR Qylmystyq kodeksiniń 190 babynyń 3-bóliginiń 1-tarmaǵynda, 189-babynyń 4-bóliginiń 2-tarmaǵynda kózdelgen qylmystardy jasaýda kináli dep tanylyp, túpkilikti múlki tárkileýmen, 5 jylǵa deıin materıaldyq jaýapkershilikke baılanysty emes bankilik qyzmetpen laýazym atqarýdan aıyra otyryp 8 jylǵa deıin bas bostandyǵynan aıyrý túrindegi jaza taǵaıyndaldy, jazany óteý orta qaýipsizdiktegi qylmystyq atqarý júıesindegi mekemesinde óteý belgilendi.
S. esimdi er adam QR Qylmystyq kodeksiniń 189-babynyń 4-bóliginiń 2-bóliginde kózdelgen qylmysty jasaýda kináli dep tanylyp, 5 jylǵa deıin materıaldyq jaýapkershilikke baılanysty emes bankilik qyzmetpen laýazym atqarýdan aıyra otyryp 7 jylǵa deıin bas bostandyǵynan aıyrý túrindegi jaza taǵaıyndaldy. QR Qylmystyq kodeksiniń 63-babynyń 3-bóliginiń negizinde taǵaıyndalǵan jaza 7 jylǵa shartty dep sanaldy", - delingen sottyń habarlamasynda.
Úkim zańdy kúshine engen joq.
