80 jyldan astam tarıhy bar ónerdiń qara shańyraǵy Almaty  Memlekettik qýyrshaq teatry 2017 jyldyń 5 qazan kúni saǵat 16.30-da saltanatty túrde kezekti 83-shi maýsymyn ashady dep habarlaıdy Qamshy.kz aqparat agenttigi. Atalmysh mereke teatr artıseriniń qatysýymen teatr fasadyndaǵy aqyn, dramatýrg Iran-Ǵaıyptyń «Bóshke» dramasynyń negizinde rejıser R.Janyamanov sahnalaǵan kórinispen bastaý  alady.  

Sondaı-aq, saǵat 17.00-de Evgenıı Ionovtyń «Ana júregi» spektakliniń  premerasy kórermen nazaryna usynylady. Qoıýshy rejıseri – Anton Zaısev. Qoıýshy sýretshisi – Sergeı Melsev. Sahnalyq bıin qoıǵan – Gúljan Dáýletqulova. Atalmysh qoıylym arqyly rejıser A.Zaısev qýyrshaq teatry sahnasyna jańa lep ákeldi. Pesanyń mazmuny aýyr bolǵanymen, beretin tárbıesi mol. Kez kelgen jastaǵy kórermenniń kóńilin oıatyp, júregine ıman uıalatpaq. Anadan týǵan jalǵyz ul joqshylyqty mise tutpaı, ar kórip, anasyna qarsy shyǵady. Tas qalanyń tas júrek jastaryna qosylǵan jetesiz ul, ulym dep eńiregen ananyń kózjasy qoıylymnyń basty ıdeıasyn ashyp kórsetpek. Balasynyń týǵan kúnine qolynda qalǵan jalǵyz janyp turǵan balaýyz shyraqty syıǵa tartpaq bolǵan ana júregi sol shyraqpen birge sónedi. Rejıser Anton Zaısev osy bir shynaıy ómirdi qýyrshaq sahnasynda qýyrshaq tilinde sóıletpek.

Ana beınesinde – aktrısa Tolqyn Tleýlıeva, qýyrshaq bala – akter Rúslan Abý jáne kópshilik sahnada teatr artıseri óner kórsetedi.