2018 jyldyń 17 maýsymynda Astanada biregeı IRONMAN 70.3 ASTANA jarysy ótedi dep habarlaıdy Qamshy.kz aqparat agenttigi. Bul týraly 30 shildede QR trıatlon boıynsha Chempıonattyń ashylýynda Qazaqstannyń Trıatlon Fedreasıasynyń prezıdenti Kárim Másimov aıtqan bolatyn. Eń qarqyndy damyp kele jatqan sport túrleriniń tizimine engen trıatlon – osy jyldyń ishinde el boıynsha júzdegen jankúıerlerdiń júrekterin baýrap aldy.
«Temir sport» áýesqoılarynyń ishinde saıasatkerler men kásipkerler bar.
IRONMAN 70.3 ASTANA-ny uıymdastyrý Qazaq Geografıalyq Qoǵamynyń ıdeıasy.
«Sońǵy kezde Qazaqstanda sporttyń jas túri –trıatlon qarqyndy taralyp jatqandyqtan, biz de shette qalmaıyq dep sheshtik. Biz trıatlonnan «IRONMAN 70.3» jarystaryn Astanada ótkizý úshin resmı kelisimshartqa qol qoıdyq. 2018 jyldyń jazynda, astanamyzdyń 20-jyldyǵyn atap ótkende IRONMAN 70.3 ASTANA uıymdastyrylsyn degen oıdy usynǵan bolatynbyz. Qazaqstannyń Trıatlon Fedreasıasynyń Prezıdenti Kárim Másimovtyń demeýimen bul is-shara joǵary deńgeıde ótetinine senimdimiz»,- dedi Qazaq Geografıalyq Qoǵamy QB Prezıdenti.
Ironman — uzaq qashyqtyqqa júretin trıatlon jarystarynyń serıasy, Dúnıejúzilik trıatlon korporasıasymen (WTC) ótkiziledi. Serıanyń árbir bólek jarysy úzdiksiz kelesi rette: júzý - 3,86 km, velo - 180,25 km jáne júgirý - 42,195 km sekildi úsh kezeńnen turady. Álemde Trıatlon Ironman bir kúnde ótkiziletin jarystardyń ishinde eń kúrdelisi bolyp sanalady.
IRONMAN qashyqtyǵyn júrip ótken sportshyny «Temir adam» dep ataıdy.
2018 jyly Astanada ótetin Ironman 70.3 jarysynyń serıasy - bul Ironman-nyń jartysyn quraıtyn qysqalaý: 1.9 km - júzý, 90 km -velojarys pen 21.1 km -júgirý qashyqtyǵynda bolady.
Búgingi kúni, osy qashyqtyq trıatlonda keńinen tanymal bolyp júr.
İs-sharanyń negizgi maqsattary:
Trıatlondy keńinen taratý, salaýatty ómir saltyn nasıhattaý, Qazaqstandy álemdik sport arenasynda ilgeri jyljytý, týrıserdi keltirý.
