Atyraý oblystyq qylmystyq ister jónindegi mamandandyrylǵan aýdanaralyq sotynda Besikti aýylynyń 28 jastaǵy turǵyny segiz jastaǵy Aıkórkem Aldamjardy zorlap, óltirgeni úshin sottady, - dep habarlaıdy Qamshy.kz aqparat agenttigi "Aq Jaıyq" saıtyna silteme jasaı otyryp.

Proses baspasózge jabyq tártipte ótti. Jýrnalıser úkim shyǵarylǵan kezde ǵana sot zalyna kire aldy. Er adam aýyrlatatyn jaǵdaıda adam zorlady jáne óltirdi dep tanyldy. Oǵan barynsha qaýipsizdendirilgen kolonıaǵa 25 jylǵa bas bostandyǵynan aıyrý jazasy taǵaıyndaldy. Jalpy jaza merziminiń alǵashqy úsh jylyn er adam tolyqtaı qaýipsiz jerde óteıdi.

Sondaı-aq, kámeletke tolmaǵandarmen jáne qarýmen baılanysty jumys isteý quqyǵynan ómir boıyna alastatyldy. Munyń ústine, ol qaza tapqan qyzdyń sheshesine moraldyq shyǵyn retinde 5 mıllıon teńge ótep berýi tıis.  Sottalýshy úkimge 15 kúnniń ishinde shaǵym túsire alady.