«Shekteýsiz dárigerler» atty halyqaralyq uıym Rakhaın shtatyndaǵy 25 tamyz ben 24 qyrkúıek aralyǵynda bolǵan genosıdke baılanysty jantúrshigerlik aqparat jarıalady dep habarlaıdy Qamshy.kz aqparat agenttigi sheteldik BAQ-qa silteme jasaı otyryp.

Atalǵan uıymnyń málimetine súıensek, dárigerlik kómektiń arqasynda 9 myńǵa jýyq adamnyń jaǵdaıy jaqsardy. Olardyń 700-i kishkentaı balalar ekeni belgili boldy.

«Qaıtys bolǵan adamdardyń 71,7%-y zorlyq-zombylyqtyń qurbany bolǵan, 6,7 myń rohındjalyq musylmannyń 5 jastan tómen 730 balany qosqanda qasaqana óltirilgeni belgili boldy», deıdi halyqaralyq uıym ókili.

Sonymen birge adamdardyń kópshiligin qatty kúıik shalyp, qaıtys bolǵan. Árbir 10-ynshy rohındjalyq musylman óz úıinde tirileı órtenip, qaza tapty. Sonymen birge rohındjalyq musylmandardyń 5%-y aýyr soqqynyń nátıjesinde kóz jumǵan.

Medısınalyq uıymnyń basshysy Sıdneı Vongtyń aıtýynsha, qaıtys bolǵandardyń sany áli de kóp bolýy múmkin. Biraq Mánma úkimeti tergeý jumystaryn jasaýǵa kedergi bolyp otyr. Sonymen birge Bangladeshtegi bosqyndardyń barlyǵy tizimdelmegen.