2017 jylǵy 23-25 jeltoqsan demalys kúnderine arnalǵan aýa raıy boljamyn Qamshy.kz aqparat agenttigi Qazgıdromet málimetine súıenip habarlaıdy.
Sibir antısıklonynyń taý silemderi Qazaqstannyń basym oblystarynda jaýyn-shashynsyz aýa raıyn áli de ustap tur. Onyń ornyna jyly jáne dymqyl aýa massalary qysymynyń kúshinen aýa temperatýrasynyń kóterilýi kútiletin, Ońtústik-Kaspıılik sıklon keledi.
Sıklonnyń batystan shyǵysqa jyljý shamasyna qaraı, kóptegen oblystarda qar jaýyp, burqasyn bolyp, kúshti ońtústik-batys jeli soǵyp, kóktaıǵaq kútilýde.
