Aǵymdaǵy jyly AQSH-ta munaı óndirý kórsetkishi 9,6 mln bareldi qurap rekordtyq deńgeıge jetti. Bul jaıynda Qamshy.kz aqparat agenttigi The Washington Post basylymynyń málimetine súıene otyryp habarlaıdy.
Aıta keter bolsaq, bul elde munaı óndirý kórsetkishi 1970 jyldary 10 mln barelden asqan bolatyn.
Jergilikti basylymnyń habarlaýynsha, mundaı óndirý kórsetkishiniń ósýi negizinen bıtýmdy slansovtardy óndirý tehnologıasyn jetildirý esebinen bolǵan. Munaı slansy óndirisinen aıtarlyqtaı paıda tabý úshin álemdik munaı baǵasy bir barelge 55-ten 60 AQSH dollaryna deıin ózgerýi qajet. Álemdik ekonomıkanyń ósýi jáne Reseı men OPEK elderimen belgilengen shekteýleri munaı baǵasynyń 60 dollardan asyp ketýine sebep boldy.
Munaı slansylarynyń iri oshaqtary Tehas, Montana, Soltústik Dakota, Oklahoma, Kolorado, Vaıomıng jáne Nebraska shtatynyń keıbir aýdandary bolyp tabylady. Sonymen qatar, ótken jyldyń 22 jeltoqsanynda AQSH prezıdenti Donald Tramp qol qoıǵan salyqtyq reformasy Aláskanyń Arktıkalyq Ulttyq qoryǵynda munaı óndirý salasyn damytýǵa jol ashady.
AQSH-ta munaı óndirý kórsetkishiniń kúnine 10 mln barelge deıin jetýi osy ýaqytqa deıin múmkin emes jaǵdaı sekildi kóringen bolatyn. Sebebi, 2005 jyldyń qyrkúıek aıynda kúnine tek 3,8 mln barelge deıin ǵana jetken.
Jergilikti basylymdaǵy málimetterge súıener bolsaq, AQSH-tyń kún saıyn munaı ónimderine suranysy shamamen 20 mln bareldi quraıdy eken. AQSH-ta munaı óndirý kórsetkishiniń ósýi onyń munaıdy ımporttaýdy qajet etpeıtindigin bildermeıdi, alaıda qazirgi ýaqytta ol elde kóptegen arzan tabıǵı gazdar men munaı bar jáne de gazdy eksporttaý isin bastap ketti.
