Almaty qalasynda 2018 jyldyń kóktemgi merzimdi áskerge shaqyrýǵa jatatyn azamattardy irikteý jáne aldyn-ala zerdeleý boıynsha jumystar bastaldy. Azamattardy merzimdi áskerı qyzmetke shaqyrý Qazaqstan Respýblıkasy Prezıdentiniń Jarlyǵy jáne Qazaqstan Respýblıkasy Úkimetiniń qaýlysy negizinde jylyna eki ret shaqyrylady.

Sonymen qatar, azamattardy merzimdi áskerı qyzmetke shaqyrý jáne olardyń áskerge shaqyrý pýnktterine kelýi týraly habardar etýdi turǵylyqty jeri boıynsha jergilikti áskerı basqarý organdary shaqyrtý qaǵazymen nemese jumys (oqý) orny boıynsha uıym basshylary qoldaryn qoıǵyza otyryp júrgizedi. Merzimdi áskerı qyzmetke shaqyrýǵa Qarýly Kúshterdi, basqa da áskerler men áskerı quralymdardy jasaqtaý úshin qajetti sanda on segiz jastan jıyrma jeti jasqa deıingi, áskerge shaqyrýdy keıinge qaldyrý nemese odan bosatylý quqyǵy joq azamattar jatady.

Almaty aımaǵynda 2018 jyldyń 10 qańtardan bastap áskerge shaqyrylýshylardy zerdeleý bastaldy. Zerdeleý 2 kezeńnen turady.

Birinshi kezeń - aldyn-ala zerdeleý jolymen áskerge shaqyrylýshylarmen jáne olardyń ata-analarymen, sondaı-aq ol jumys jasaıtyn nemese oqıtyn jumys oryndarynyń, oqý oryndarynyń ókilderimen jeke isi tekserilip, áńgimelesý júrgiziledi. Jeke áńgimelesý barysynda moraldy sapasyna, densaýlyq jaı-kúıine, dene daıyndyǵyna, jalpy bilim berý jáne arnaıy daıyndyǵy, otbasy jaǵdaıy anyqtalady. Áskerge shaqyrylýshylardyń jeke isin sapaly zerdeleý úshin QR Ulttyq qaýipsizdik komıteti men QR İshki ister organdarynyń, densaýlyq jaǵdaı jáne halyqty áleýmettik qorǵaý organdarynyń ókilderimen birge júrgiziledi.

Ekinshi kezeń - is júzinde. Munda áskerge shaqyrylýshylar qalalyq jáne aýdandyq medısınalyq komısıadan ótedi. Sodan keıin qaı áskerı bólimderge baratyndyǵy anyqtalady. Áskerge shaqyrylýshylardy medısınalyq kýálandyrý tártibi jáne medısınalyq komısıalardyń quramy Áskerı-dárigerlik saraptama júrgizý qaǵıdalaryna sáıkes aıqyndalady.

Joǵaryda atalǵan jumystardyń barlyǵy Almaty qalasynyń jergilikti áskerı basqarý organdary júrgizedi. Áskerı boryshyn óteýge nıet bildirýshi jastar kóbeıýde.

Qarlyǵash Musabekqyzy