QR İİM Ákimshilik polısıa komıtetiniń baspasóz hatshysy Irına Lýkánına-Kostereva Qapshaǵaı tas jolynda boldy delinip, áleýmettik jelide vıdeosy taraǵan jappaı kólik apatyna qatysty pikir aıtty. "WhatsApp qoldanýshylary arasynda jappaı kólik apatynyń vıdeosy tarap jatyr, onda jol apaty Qapshaǵaı - Almaty tas jolynda boldy delingen. Alaıda Qazaqstan terıtorıasynda mundaı jol-kólik oqıǵasy tirkelgen joq. Tekserilmegen qaýesetti taratpańyzdar!", - dep jazdy vedomstvonyń ókili Facebook paraqshasynda.
Keı derekke súıensek, bul oqıǵa ótken aptada Amerıkanyń Aıova shtatynda bolǵan. Kóktaıǵaq pen joldardyń kórinbeýi saldarynan tas jolda 70 avtokólik soqtyǵysyp bir adam qaza taýyp, birneshe adam aýyr jaraqat alǵan.
