«Respublica» partıasy Quryltaıǵa baratyn depýtattar tizimin resmı túrde jarıalady. Tizimge engen 9 ókildiń qatarynda Almaty qalasy Qoǵamdyq keńesiniń tóraǵasy Mahambet Qabdolqaıyruly Hasenov bar.
Mahambet Hasenov 1975 jyly 7 qyrkúıekte dúnıege kelgen. 1997 jyly Qazaq memlekettik basqarý akademıasyn «Halyqaralyq valúttik-qarjylyq qatynastar» mamandyǵy boıynsha aıaqtaǵan. 2001–2002 jyldary Italıadaǵy ENI Corporate University oqý ornynda «Energetıka jáne ekologıadaǵy menedjment pen ekonomıka» (MEDEA) baǵdarlamasy boıynsha bilim alǵan. Eńbek jolynda «Special Oil Projects» JSHS men «Álmerek» munaı bazasynyń quryltaıshysy ári bas dırektory qyzmetterin atqarǵan.
Sonymen birge ol buǵan deıin Almaty qalalyq máslıhatynyń VI shaqyrylymynyń depýtaty bolǵan. Qazirgi ýaqytta Almaty qalasy Qoǵamdyq keńesiniń tóraǵasy qyzmetin jáne «Respublica» partıasy Ortalyq apparaty basshysynyń keńesshisi mindetin atqarady. Partıalyq tizim sheshimine sáıkes, ol Quryltaı depýtaty mártebesin aldy.