Bıyl Naýryz merekesine bir aı qalǵanda "ulystyń uly kúnin" jańasha toılaý jóninde bastama kótergen Mádenıt jáne Sport mınıstri Arystanbek Muhamedıulynyń eksklúzıvti suhbaty jarıalandy, dep jazady Qamshy.kz aqparat agenttigi

Zamanaýı qazaqstandyq mádenıetti júzege asyrý, Naýryz meıramynyń sıpatyna tyń serpilis berip jatqan «Rýhanı jańǵyrý» baǵdarlamasy boıynsha QR mádenıet jáne sport mınıstri Arystanbek Muhamedıulymen bolǵan suhbatta.

— Kóktem men jańarýdyń, dostyq pen baýyrlastyqtyń merekesi – Naýryz meıramy da kelip jetti. Osy Ulystyń uly kúnin atap ótýdiń ózindik erekshelikterin qaıta jańǵyrtý jaıly aıta ketseńiz.

— Ár ulttyń, memlekettiń óziniń tól merekesi bar. Egemendi el retinde tanylǵannan keıin, Elbasymyz Nursultan Ábishulynyń alǵashqy jarlyqtarynyń biri Naýryz meıramyn atap ótý boldy. Árıne, ol kezdegi Naýryz merekesi men qazirgi kezdegi merekeni atap ótý salystyrýǵa kelmeıdi. Qazirgi kezdegi Naýryz meıramynyń sıpatyna tyń serpilis berip jatqan «Bolashaqqa baǵdar: rýhanı jańǵyrý» baǵdarlamasy. Ózderińizge málim, bul ótken jylǵy Elbasynyń tarıhı eńbegi. Kóbinese, bizde maqala dep aıtady, al men óz basym muny tarıhı eńbek dep aıtar edim.

«Rýhanı jańǵyrý» eńbeginen keıin halqymyzdyń óz tarıhyna, keleshegine degen kózqarasy erekshe. Árıne, eń bastysy, eldiń tatýlyǵy. Naýryz bizdiń qoǵamda birlik, turaqtylyq pen kelisim sekildi qundylyqtardyń nyǵaıýyna yqpal etip keledi. Biz damyǵan memleketter qoǵamdastyǵyna qaraı qadam basýdamyz. Búgingi jetken jetistikterdiń kepili — Elbasynyń sarabdal saıasaty men el birliginiń, tatýlyq pen yntymaqtastyqtyń arqasy. 

— Zamanaýı álemdegi  básekelik qabilet – mádenıettiń de básekelik qabileti degen sóz. Osy turǵyda jahandaǵy zamanaýı qazaqstandyq mádenıetti qalaı júzege asyrýǵa bolady?     

— Mádenıeti órkendegen qoǵam ár ýaqytta ilgeri damıdy. Búgingi tańda álemniń 20 elinde bizdiń mádenıet pen ádebıet ortalyqtarymyz ashyldy. Ulttyq mádenı ortalyqtar týraly aıtatyn bolsaq, Astana qalasyndaǵy Ulttyq kitaphanaǵa kelýshiler qatary ósip, tól týyndylarymyzǵa qyzyǵýshylyq artty.

Sonymen qatar, Elbasy kótergen ulttyq sanany kóterýde arhıv salasynyń atqaratyn róli zor. Óıtkeni búgingi kúni arhıvter — halyq jadynyń saqtaýshysy ǵana emes, tarıhı sanany qalyptastyrýdyń, patrıottyq, rýhanı tárbıe berýdiń mańyzdy bir quraly. Sol sebepti, álemdegi ozyq úlgidegi Venesıa memlekettik arhıvi, Armenıanyń «Matenadaran» ejelgi jazbalar Instıtýty sıaqty ortalyqtardyń tájirıbelerin qoldanyp, eldegi arhıv isi jańa serpin alady dep senemiz. Osy jerdegi týyndylardyń elektrondyq nusqalary satylymda, bul da ekonomıkalyq turǵyda bir kómek bolyp otyr. Ortalyqtar arhıvtik qyzmetten bólek, mýzeı isine de kóp kóńil aýdarady.

— Suhbatyńyzǵa raqmet!