QR tabıǵı monopolıalardy retteý agenttigi Batys Qazaqstan oblystyq departamentiniń basshysy Murat Ospanovtyń túngi klýbta júrgeni jaıly vıdeo YouTube jelisine shyqqannan keıin sheneýnik jumystan shyǵyp qaldy dep jazady Qamshy.kz aqparat agenttigi sputniknews.kz caıtyna silteme jasap.
"Ospanov mınıstrliktiń jaýapty hatshysynyń 2018 jyldyń 18 sáýirindegi №211-j buıryǵymen atqaryp otyrǵan qyzmetinen óz erkimen bosatyldy", — dep habarlady oblystyq memlekettik qyzmet departamentinen.
Vıdeo 12 sáýir kúni jarıalandy. Onda Ospanovtyń qoltyǵynan demep "Eldıvıno" túngi klýbynan syrtqa shyǵaryp jatqany kórinedi. Osydan keıin qyzmettik tekseris júrgizildi. Sheneýniktiń ózi densaýlyǵy syr berip, qyzmetkerler klýbtan shyǵýǵa kómekteskenin aıtyp aqtaldy. Keıinirek jazba YouTub-ten óshirildi.
