QR Mádenıet mınıstri Arystanbek Muhamedıuly 71-shi Kann kınofestıvalinde "Úzdik aktrısa" atanǵan qazaqstandyq Samal Eslámovany quttyqtady. 

"71-shi Kann kınofestıvaliniń halyqaralyq qazylar alqasy úzdik áıel roli syılyǵyn Qazaqstannyń týmasy, aktrısa Samal Eslámovaǵa berdi.

Samal GITIS-ta oqyǵan jáne onyń birinshi ret túsken fılmi Sergeı Dvorsevoıǵa sáttilik alyp keldi - onyń "Túlpan" atty kartınasy 2008 jyly Qazaqstannyń qatysýymen, OQO Betpaqdalada túsirildi, ol Kann kınofestıvali baǵdarlamasynyń mańyzy jaǵynan ekinshi sanalatyn "Erekshe kózqaras" Gran-prıin jeńip aldy. Týra 10 jyl ótkende Dvorsevoı men Eslámova "Aıka" jumysymen taǵy bir sáttilikke jetti, ol fılmdi bes kıno kompanıa túsirgen: "Kınodvor" atty Sergeı Dvorsevoıdyń stýdıasy, sonymen qatar, Germanıanyń, Polshanyń, Qytaıdyń, Qazaqstannyń kompanıalary. Bul shyǵarmashyl tandemdi quttyqtaımyn! Sizderge sáttilik jáne jańa jeńister tileımin!", - dedi mınıstr óziniń facebook paraqshasyndaǵy quttyqtaýynda.

Esterińizge sala keteıik, qazaqstandyq Samal Eslámova 71-nshi Kann kınofestıvalinde úzdik aktrısa atandy. Ol reseılik rejıser Sergeı Dvorsevoıdyń "Aıka" atty kartınasynda basty roldi somdaǵan.