Saıasat qashan da er adamdardyń atqaratyn isi boldy. Zaman talabyna saı áıelder de kóshten qalmaı, bılik basynda júr. Qaıyrymdylyq pen adam quqyǵyn basty nysan etip alǵandar da — áıelder.  Qamshy.kz aqparat agenttigi Álem tanyǵan áıelderdiń tizimin usynady.

Birinshi orynda Germanıanyń kalsleri Angela Merkel tur. Merkel Forbstyń eń yqpaldy áıelder tiziminde sońǵy jeti jylda birinshi orynda kele jatyr.

Angela Doroteıa Kasner – 1954 jyly týǵan. Ákesi – din adamy, ol lúterandyq shirkeýde qyzmet etken. Al anasy muǵalim bolǵan, mektepte latyn jáne aǵylshyn tilderinen sabaq bergen. Keı derekterge súıensek, ata-anasy germanıalyq poláktar.

Búginde Angela Merkel — Germanıanyń Kansleri.  Úkimet basshylyǵyna alǵash ret 2005 jyly kelip, 2009, 2013 jyldardaǵy saılaýlarda da jeńiske jetken A.Merkel osy­­men kezekti márte óz ornyn saqtap qaldy, 2018 jyly 4-shi ret Kansler bolyp saılandy.

Germanıada eldi federaldyq Prezıdent pen federaldyq Kansler (Úkimet tóraǵasy) basqarady. Kanslerdiń qu­zy­reti kúshtirek. Prezıdent ekinshi orynda júredi. Kanslerdiń kandıdatýrasyn Prezıdent usy­nady, ony Býndestag depýtattary (qazir onda 630 depýtat bar) bekitedi. Kansler 4 jylǵa saılanady.

Angela Merkel eki ret turmysta bolǵan. Birinshi kúıeýi – Ýlrıh Merkelmen 3-kýrsynda tanysyp, 1977 jyly otbasyn qurǵan. Bes jyldan soń ajyrasyp ketken. Bul jaıynda Angela Merkel:

— Biz barlyǵy úılenip jatqandyqtan otbasy qurdyq. Búginde ol kúlkili estilýi múmkin, biraq biz oılanbaı nekelestik, - deıdi.

Anegela Merkel ajyrasqan kezde ózine birinshi kúıeýiniń famılıasyn qaldyryp, ony álemge tanytty.

Merkeldiń ekinshi kúıeýi – hımık,  Gýmbold atyndaǵy Berlın ýnıversıtetiniń profesory.

Tereza Merı Meı – 1956 jyly Ulybrıtanıanyń Istborn qalasynda týǵan. Brıtanıalyq saıasatker, 2016 jyldan beri Ulybrıtanıa men Soltústik Irlandıanyń Birikken Koróldiginiń  premer-mınıstri, Ulybrıtanıa tarıhynda osy laýazymǵa bekigen  Margaret Techerden keıingi ekinshi áıel. 

Úkimet basshylyǵyna kelmeı turyp Tereza Meı 2010-2015 jyldary eldiń İshki İster mınıstri qyzmetin atqarǵan. Jergilikti basylymdardyń málimetinshe, Meı İshki isterdi basqaryp turǵan sátte polısıa qyzmetkerleriniń sany qysqaryp, búdjettiń de azaıǵanyna qaramastan,  eldegi qylmystyń sany azaıǵan.

İskerlik pen áıelge tán náziktikti saqtaı biletin Tereza Meı kópshilik aldyna ádemi áshekeı men ań terisinen jasalǵan bıik óksheli týflımen shyǵýǵa esh qysylmaıdy.

Tereza Meıdiń jeke ómirine keler bolsaq, «men óz jeke ómirimdi jurtqa jaıǵym kelmeıdi. Biz sábı súıe almadyq. Sábı súımedi dep eshkim meni qamqorlyq pen túsinistikti bilmeıdi dep oılamaıtyn shyǵar»,- deıdi.

— Kúıeýim Fılıp maǵan gúl syılaıdy. Usaq dúnıelerge qatty mán beredi. Men jumys istep otyrǵanda maǵan shaı ákelip berýi de múmkin, - deıdi Tereza Meı óz kúıeýi jaıly.

Melaná Tramp – AQSH-tyń 45-shi prezızenti Donald Tramptyń áıeli, AQSH-tyń birinshi hanymy. 1970 jyly Iýgoslavıanyń Novo-Mesto qalasynda dúnıege kelgen.

Melaná Tramp – amerıkalyq fotomodel, saǵat jáne qolóner buıymdarynyń dızaıneri.

Melaná Lúblán ýnıversıtetine «Arhıtektýra jáne dızaın» mamandyǵyna oqýǵa túsedi. Oqýdy birinshi kýrstan keıin tastap, Mılanǵa kóship ketedi.

Sánbıkelik jolyn 16 jasynda Mılan men Parıjdegi kórsetilimderderde júrip bastaǵan.

Donald Tramppen 2005 jyly otbasyn qurady. 2006 jyly Amerıkanyń azamattyǵyn aldy. 2006 jyly Berron Ýılám Tramp esimdi uldy dúnıege ákeldi. 2017 jyly Melaná AQSH-tyń birinshi hanymy atandy.

Búginde Melaná Tramp saıası ortada óziniń kúıeýimen jıi shyǵady.

Melında Geıts — amerıkalyq kásipker, álemdegi eń baı adam Bıll Geıtstiń áıeli, fılantrop, Bıll Geıts pen Melında Geıtstiń qaıyrymdylyq qorynyń tóraǵasy. Al Bıll Geıts – Microsoft kompanıasynyń negizin salýshylardyń biri.

Melında 1964 jyly Tehas shtatynyń Dallas qalasynda dúnıege kelgen. Otbasyndaǵy tórt balanyń ekinshisi bolǵan. Ákesi – ınjener Reımonda Djozef Frech pen úı sharýasyndaǵy Eleın Agnes Emerlandtyń otbasynda týǵan.

1994 jyly Bıll Geıtsqa turmysqa shyqqan. Otbasylarynda 3 bala bar: eki qyz, bir ul.

Jyl ótken saıyn adamzat tarıhyndaǵy eń kóp qaıyrymdylyq jasaǵan qaıyrymdylyq qoryn júrgizip kele jetqan Melanda Geıts áıelderdiń quqyǵyna da beı jaı qaramaıdy. Áıelder quqyǵyn qorǵaýǵa baılanysty túrli jıyndar ótkizip otyrady.

Osy ýaqytqa deıin Bıll men Melanda Geıts 40 mlrd dollardy qaıyrymdylyqqa jumsaǵan.

İİ Elızaveta (tolyq aty: Elızaveta Aleksandra Marıa) – 1926 jyly Ulybrıtanıanyń London qalsynda dúnıege kelgen, 1952 jyldan beri Ulybrıtanıanyń patshaıymy.

II Elızaveta hanshaıym Vındzor áýletinen shyqqan. Taqqa 1952 jyldyń 6 aqpanynda, ıaǵnı 25 jasynda, ákesi — VI Georgtyńóliminen keıin otyrdy.Tarıhta Ulybrıtanıany eń uzaq bılegen jáne eń uzaq ómir súrýshi monarh retinde qalyp otyr.

Ulttar dostastyǵynyń basshysy, sondaı-aq II Elızaveta hanshaıym Ulybrıtanıa patshalyǵynan bólek Avstralıa, Antıgýa jáne Barbýda, Bagam araldary, Barbados, Belız, Grenada, Kanada, Jańa Zelandıa, Papýa — Jańa Gvıneıa, Sent-Vınsent jáne Grenadınder, Sent-Kıtts jáne Nevıs, Sent-Lúsıa, Solomon araldary, Tývalý, Iamaıka sıaqty 15 memlekettiń patshaıymy bolyp sanalady. Sonymen qatar, Anglıkan shirkeýiniń basshysy jáne Ulybrıtanıanyń qarýly kúshteriniń joǵarǵy Bas qolbasshysynyń qyzmetin atqarady.

Súzen Dıana Voıjıtskı – amerıkalyq  kásipker, YouTube-tyń  atqarýshy dırektory. Súzen 1968 jyly 5 maýsymda Kalıfonıa shtatynyń Santa-Klara qalasynda dúnıege kelgen.

1990 jyly Garvard ýnıversıtetiniń tarıh fakúltetin tamamdaǵan. 1998 jyly magıstr atanǵan. Stendford ýnıversıtetinde Ekonomıka mamandyǵymen aspırantýrany oqyǵan.

1999 jyldan bastap google kompanıasynda jumys isteıdi. Ol atalǵan kompanıanyń 16-shy nemese 18-shi qyzmetkeri.

Google kompanıasynda marketıń boıynsha alǵashqy dırektory jáne ár mereke saıyn aýysyp otyratyn Google-dyń alǵashqy betiniń dızaınyn jasaýshy.

2002-2014 jyldary Gýgl kompanıasynyń jarnama boıynsha vıse-prezıdenti qyzmetin atqarǵan. 2012 jyly Google kompanıasyna qarasty Adwords, AdSense, DoubleClick 43,5 mlrd dollar kóleminde tabys ákelgen. 2014 jyldyń aqpanynan bastap Iýtýbtyń atqarýshy dırektory bolyp qyzmet atqarady. 

Súzen Voıjıtskıdiń baılyǵy shamamen – 410 mln dollar.

Sonymen qatar Súzan turmysta jáne bes balanyń anasy.

Dalá Grıbaýskaıte – Lıtva respýblıkasynyń prezıdenti, saıasatker. 1956 jyly týǵan.

2001-2004 jyldary Lıtvanyń qarjy mınıstri qyzmetin atqarǵan. 2004-2009 jyldary Eýrokomıssıanyń qarjy salasy boıynsha komısary qyzmetin atqarǵan.

2009 jyly Lıtvadaǵy prezıdent saılaýyna kandıdat retinde qatysyp, 69,05  paıyz daýys jınaǵan. 2009 jyldyń 12 maýsymynan bastap el prezıdenti qyzmetin atqaryp keledi.

2014 jyly ótken Prezıdent saılaýyna qatysyp, 7 úmitkerdiń arasynda jeńiske qol jetkizedi.

Dalá Grıbaýskaıte eshqashan turmysta bolmaǵan jáne balalary joq.

Elen Djonson – Serlıf – saıasatker, 2006 jyldan beri Lıberıanyń 24-shi prezıdenti.

Ol – Afrıka elderindegi alǵashqy áıel prezıdent.

1972 jyly Garvard ýnıversıtetiniń Master of Public Administration boıynsha dıplomyn alǵannan keıin Lıberıanyń qarjy mınıstrligine kómekshi bolyp qyzmet atqarýǵa jumysqa shaqyrady. 1980-85 jyldary Lıberıanyń Qarjy mınıstri qyzmetin atqarady. Sol jyly Respýblıka prezıdenti engizgen áskerı rejımge Úkimet otyrsynda syn aıtqany úshin qamaýǵa alynady. Sodan keıin Elen elden qýylady. Tek 1997 jyly Ulttyq bank pen Citibank-tiń ekonomısi retinde elge oralady.

2005 jylǵy prezıdent saılaýynyń birinshi kezeńinde 192, 326 daýys jınaıdy. Ekinshi kezeń qorytyndysy boıynsha, Lıberıanyń prezıdenti bolyp saılanady.